ITAK සජිත්ට සහය දීමේ තීරණය නැවත සාකච්ඡා කරමින් තිබේද?

සමාජ මාධ්‍ය සටහන් :

ඉලංකෙයි තමිල් අරසු කච්චි (ITAK) ජනාධිපතිවරණයේදී සජිත්ට සහාය ලබා දීමේ තීරණය නැවත සාකච්ඡා කරමින් සිටින බවට පුවත්පත් ලිපියක් පෙන්වා දේ.

Facebook

Explainer (කරුණු පැහැදිලි කිරීම) :

ඉදිරි ජනාධිපතිවරණයේදී සජිත්ට සහය දැක්වීමට ITAK ගත් තීරණය සම්බන්ධයෙන් ව්‍යාකූලත්වයට තුඩු දුන් ITAK නායක මාවෙයි සේනාධිරාජා හමුවීම සම්බන්ධ පුවත් ඇතුළත් වීඩියෝ කිහිපයක් අධ්‍යනය කරමින් අපි අපගේ විමර්ශනය ආරම්භ කලහ.

පක්ෂයේ තීරණයට එරෙහිව තමාගේ මතය වෙනස් නොකළ බව මාවෙයි සේනාධිරාජාගේ කතාවේ සංස්කරණය නොකරන ලද වීඩියෝවක් අපට දක්නට ලැබුණි. ඔහුට එම රැස්වීමට සහභාගී විය නොහැකි බව පමණක් මාවෙයි විසින් සඳහන් කර ඇති අතර, එබැවින් ඉදිරි ජනාධිපතිවරණයේදී සජිත් ප්‍රේමදාස මහතාට සහය දැක්වීමට ගත් තීරණය සම්බන්ධයෙන් පක්ෂ නායකයෙකු ලෙස පාක්ෂිකයන්ගෙන් පැහැදිලි කිරීමක් අවශ්‍ය බව පමණක් සඳහන් තිබේ.

මාවෙයි සෙනාධිරාජාගේ ප්‍රකාශය

අප කණ්ඩායම ඉලංකෙයි තමිල් අරසු කච්චි නායක මාවෙයි සේනාධිරාජා සමඟ සබන්ධවී ජනාධිපතිවරණය සම්බන්ධයෙන් ඔහුගේ තීරණය පිළිබඳව විමසා සිටි අතර එහිදී, ඔහු ප්‍රකාශ කර සිටියේ; ඉදිරි දිනවලදී ඔවුන් විසින් පක්ෂ රැස්වීම් පවත්වන බවත්, එහිදී ජනාධිපති අපේක්ෂකයාගේ ප්‍රතිපත්ති ප්‍රකාශය පිළිබඳ වැඩි විස්තර සාකච්ඡා කර පසුව මාධ්‍ය නිවේදනයක් ද ලබා දෙන බවත්ය.

ඒ අනුව, අද (16)දින වවුනියාවේ දී මාධ්‍ය සාකච්ඡාවක් කැඳවා මා වෙයි සේනාධිරාජා සහ එම පක්ෂයේ නියෝජිතයින් හය දෙනෙකු සහභාගි වෙමින් ප්‍රකාහ කර සිටියේ ජනාධිපතිවරණයෙන් පසුව ආණ්ඩුක්‍රම ව්‍යවස්ථා සංශෝධනයක් ඇති කොට බුද්ධාගමට පමණක් ප්‍රමුඛත්වය ලබා දීමට ඇති ආණ්ඩුක්‍රම ව්‍යවස්ථා වගන්තිවල යම් සංශෝධනයක් සිදු කිරීමට සජිත් ප්‍රේමදාස එකඟ වූ බැවින් ද එම ව්‍යවස්ථා සංශෝධනය හරහා දෙමළ ජනතාව සම්බන්ධයෙන් වූ මුලික ප්‍රශ්න වලට විසඳුමක් ලබා දීමට එකඟ වූයේ සජිත් ප්‍රේමදාස පමණක් බැවින්ද ඉලංකෙයි තමිල් අරුසු කච්චි පක්ෂය ජනාධිපතිවරණයේ දී සජිත් ප්‍රේමදාසට සහයෝගය දැක්වීමට අවසන් නිශ්චිත තීරණයට එළඹුන බවයි.

ශ්‍රීධරන් සිවාඥානාම්ගේ ප්‍රකාශය

වවුනියාව රැස්වීම් දිනයෙන් පසු ශ්‍රීධරන් සිවඥානම්ගේ ප්‍රකාශය වූයේ, ජනාධිපති අපේක්ෂකයන්ගේ ප්‍රතිපත්ති ප්‍රකාශය පිළිබඳ සාකච්ඡා කිරීම සඳහා දෙමළ ජාතික සන්ධානය පසුගිය මස 18 වැනිදා (2024.08.18) 6 දෙනෙකුගෙන් යුත් කණ්ඩායමක් පිහිටුවා ගත් බවය.

මෙම කණ්ඩායමට තමන්, මාවෙයි සේනාධිරාජා, වෛද්‍ය සත්‍යලිංගම්, සී.වී.කේ.ශිවඥානම්, එම්.ඒ.සුමන්තිරන් සහ හිටපු පාර්ලිමේන්තු මන්ත්‍රී ඊ.සරවනපවන් ඇතුළත් බව ඔහු ප්‍රකාශ කලහ. මෙම කණ්ඩායම පිහිටුවා ඇත්තේ ජනාධිපති අපේක්ෂකයා පිළිබඳවත්, ජනාධිපති අපේක්ෂකයාගේ ප්‍රතිපත්ති සහ ප්‍රකාශයන් සම්බන්ධයෙන් ප්‍රධාන අපේක්ෂකයන් සමඟ සාකච්ඡා කරන බවත්, පක්ෂය දැනටමත් වැඩපිළිවෙළක් ක්‍රියාත්මක කරමින් සිටින බවත්, පසුව මාධ්‍ය නිවේදනයක් ලබා දීමට කටයුතු කරන බවත්ය.

ස්වාධීන අපේක්ෂකයෙකුට සහය දීම ඔවුන්ගේ පෞද්ගලික තේරීමක් බැවින් පක්ෂය කිසිවිටෙක ඔවුන්ට එරෙහිව කිසිදු ක්‍රියාමාර්ගයක් නොගන්නා බවත් ශ්‍රීධරන් වැඩිදුරටත් පැවසූහ.

ඒ අනුව, එස් ශ්‍රීධරන් මන්ත්‍රීවරයා දෙමළ පොදු අපේක්ෂක බි. අරියනේත්‍රට සහය දැක්වීමට මිට පෙර ගත් තීරණය වෙනස් නොකරණ බව මධ්‍යම කාරක සභා රැස්වීමේදීද ප්‍රකාශ කොට තිබේ.

සුමන්තිරන්ගේ ප්‍රකාශය

ජනාධිපති නීතිඥ එම්. ඒ. සුමන්තිරන්, ඉලංකෙයි තමිල් අරසු කච්චි (ITAK) නියෝජනය කරමින්, Newsfirst වෙත ප්‍රකාශ කරමින් පවසන්නේ පක්ෂයේ සජිත් ප්‍රේමදාසට සහාය දීමේ තීරණය වෙනස් වී නැති බව සුමන්තිරන් අවධාරණය කලහ. එම තීරණය නිසි ක්‍රමවේදයන් අනුව ගත් බවත්, සියලු පාක්ෂිකයන් විසින් එය පිළිගත් බවත්ය.

'X' හි ප්‍රකාශයක් කරමින්, සුමන්තිරන් පැවසුවේ මෙම තීරණය මාවෙයි සෙනාධිරාජා සහ එම්. ශ්‍රීධරන් සමඟ සාකච්ඡා කළ පසු සියලුම පක්ෂ සාමාජිකයින් විසින් පිළිගත් බවයි, ඔවුන් ITAK තීරණය නැවත සාකච්ඡා කරන ලෙස ඉල්ලීම් කර තිබුණි.

"මෙය අපේ පක්ෂය විසින් නිසි ක්‍රමවේදය අනුව ගත් තීරණයකි. දැන් ඔවුන් දෙදෙනාම එය පිළිගත් බැවින් ඉදිරි වැඩ කටයුතු සජිත් ප්‍රේමදාස සමඟ නැවත සාකච්ඡා කළ යුතු බව ඔවුන් පිළිගෙන ඇත." යන්න සුමන්තිරන් පැවසූහ.

මාධ්‍ය නිවේදනය

මේ අතර, අපට මහ ලේකම්වරයාගේ නිල මාධ්‍ය නිවේදනයක් සොයා ගන්නට ලැබුණි. එම නිවේදනයේ සඳහන් කර තිබුණේ, තමිල් අරසු කච්චි සජිත්ට සහය දැක්වීමේ තීරණය කිසිවිටෙක නැවත සාකච්ඡාවකට ලක් නොකරන බවයි.

සජිත් ප්‍රේමදාසගේ ප්‍රතිපත්ති ප්‍රකාශය සහ දෙමළ ජනතාවට එහි ප්‍රතිලාභ පිළිබඳව සාකච්ඡා කිරීමට කණ්ඩායම වව්නියාවට රැස් වූ බවත්, ඔවුන් සඳහන් කළේ මැතිවරණයට අදාළ කමිටුව ලබන 18 වැනිදා යළි රැස්වී ඉහත කරුණු සම්බන්ධයෙන් වන ප්‍රගතිය සාකච්ඡා කර ප්‍රකාශයක් නිකුත් කරන බවයි.

ඉලංකෙයි තමිල් අරසු කච්චි යනු කවුරුන්ද?

ඉලංකෙයි තමිල් අරසු කච්චි (ITAK) ශ්‍රී ලංකාවේ දෙමළ ජනතාව නියෝජනය කරන දේශපාලන පක්ෂයක් වේ. මෙම පක්ෂය 1949 දී එස්. ජේ. වී. චෙල්වනායකම්, සී. වන්නියසිංහම් සහ ඊ. එම්. වී. නාගනාතන් විසින්, ශ්‍රී ලංකා දෙමළ කොංග්‍රසය (ACTC) හේතුවෙන් ගිලිහුණු කණ්ඩායමක් ලෙස පිහිටුවන ලදී. 1972 දී ඔවුන් ACTC සහ ලංකා කම්කරු කොංග්‍රසය (CWC) සමඟ එක්ව දෙමළ එක්සත් මුක්ති පෙරමුණ (TULF) නිර්මාණය කළහ. පසුකාලීනව TULF නමින් තමන්ගේ නම වෙනස් කළ ඔවුන්, 2004 දක්වා නිහතමානීව පැවතුණි. එහිදී TULF තුළ වූ පරස්පරකතා නිසා ITAK නැවත සක්‍රීය දේශපාලන පක්ෂයක් ලෙස නැගී සිටියේය. ITAK දෙමළ ජාතික සන්ධානයේ ප්‍රධාන පක්ෂයකි.

දෙමළ ජාතික සන්ධානය යනු කවුරුන්ද?

දෙමළ ජාතික සන්ධානය (TNA) යනු 2001 ඔක්තෝම්බර් මාසයේ දී 2001 මැතිවරණය සඳහා එකමුතු වේදිකාවකින් තරඟ කිරීමට නිර්මාණය කළ දේශපාලන සන්ධානයකි. 2001 ඔක්තෝම්බර් 20 වන දින, සියලු ලංකා දෙමළ කොංග්‍රසය (ACTC), ඊලාම් ජනතා විප්ලවකාර මුක්ති පෙරමුණ (EPRLF), දෙමළ ඊලාම් නිදහස් සංවිධානය (TELO), සහ දෙමළ එක්සත් මුක්ති පෙරමුණ (TULF) අතර එකඟතාවයක් අත්සන් විය. 2001 මැතිවරණයේදී, TULF නමින් සහ ලාංඡනයෙන් TNA පක්ෂය 348,164 ඡන්ද (3.89%) ලබා 225කින් 15ක් හිමිකරගත් අතර, ශ්‍රී ලංකා පාර්ලිමේන්තුවේ ආසන 15ක් දිනා ගත්හ.

2010 ජනාධිපතිවරණයේදී, TNA යුද හමුදාපතිවරයෙකු ලෙස LTTE පරාජයට දායකත්වයක් ලබා දුන් සරත් ෆොන්සේකාගේ පොදු විපක්ෂ අපේක්ෂකයාට සහාය දැක්වීය. 2015 ජනාධිපතිවරණයේදී, දෙමළ ජාතික සන්ධානය විපක්ෂයේ පොදු අපේක්ෂක මෛත්‍රීපාල සිරිසේන මහතාට සහාය පළ කළේය. අලුතින් තේරී පත් වූ ජනාධිපති සිරිසේන මැතිවරණයෙන් පසු ජාතික සමගි ආණ්ඩුවක් පිහිටුවීය. කෙසේ වෙතත්, TNA නව රජයට එක් නොවීමට තීරණය කළේ, TNA දේශපාලන ප්‍රතිසංස්කරණ සඳහා සිරිසේනගේ ප්‍රතිපත්තිවලට සහය දුන්නද, TNA රජයට එක්වීම ගැන සලකා බැලීමට පෙර දෙමළ දුක්ගැනවිලි විසඳීමට පළමුව දේශපාලන විසඳුමක් සෙවිය යුතු බව පවසමිනි. කෙසේ වෙතත්, ජාතික විධායක සභාවේදී දෙමළ ජාතික සන්ධානය නියෝජනය කළේ එහි නායක සම්බන්ධන් විසිනි.

2015 පාර්ලිමේන්තු මැතිවරණයේදී, දෙමළ ජාතික සන්ධානය ඡන්ද 515,963 (4.62%) ලබා ගත් අතර ආසන 225 න් 16 ක් දිනා ගත්තේය. මැතිවරණයෙන් පසු පසුගිය සම්බන්ධන් පාර්ලිමේන්තුවේ විපක්ෂ නායක ලෙස පිළිගනු ලැබූහ.

අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න

Facebook | Twitter | Instagram | Google News | TikTok