FACT CHECK: විමල් වීරවංශ කොරෝනා ආසාදිතයකු බවට තහවුරු වූ බවට පළවූ අසත්‍ය සටහනක්!

විමල් වීරවංශ අමාත්‍යවරයාට කොරෝනා වෛරස් රෝගය වැළඳී ඇති බවට සමාජ මාධ්‍ය ජාලය ඔස්සේ පසුගියදා පළවූ සටහනක් පිළිබඳව සිදුකළ කරුණු විමර්ශනයනයකදී අපට අනාවරණය වූයේ ඔහු මේ වන තෙක් මනා සෞඛ්‍ය තත්වයෙන් පසුවන බවත් එය අසත්‍ය පුවතක් බවත්ය.

“විමල් වීරවංශ කොරෝනා ආසාදිතයකු බවට තහවුරු වී ඇත. ජාත්‍යන්තර කුමන්ත්‍රණ ද මන්දා” වදන් රැගත් සටහනක් Dilshan Silva නමැත්තෙකුගේ ෆේස්බුක් ගිණුමක පහත පරිදි ඉදිරිපත් වී තිබෙනු දක්නට ලැබුණේය

මෙම සටහනේ සත්‍යතාව පිලිබඳ අපගෙන් සිදුකළ පාඨක විමසීමක් මත මේ පිලිබඳ කෙටි විමර්ෂණයක් සිදුකළෙමු.

Fact Check (සත්‍ය තොරතුරු විමර්ශනය කිරීම)

මෙම ෆේස්බුක් පිටුව ඉදිරිපත් කළ පරිදි පුවතක් කිසිඳු ආකාරයකින් පසුගිය සින් කිහිපයේදී වාර්තා වී තිබුනේ නැති බැවින් මෙය තහවුරු කර ගැනීම පිණිස අප විමල් වීරවංශ ඇමතිතුමාගේ මාධ්‍ය අංශය සමග සම්බන්ධ වූයෙමු. විමල් වීරවංශ ඇමතිතුමා මනා සෞඛ්‍යයෙන් යුතු ව සාමාන්‍ය පරිදි කටයුතුවල නිරතවන බවත් එබැවින් කිසිඳු PCR පරීක්ෂණයක් හෝ සිදුකිරීමේ අවශ්‍යතාවක් මේ වනතෙක් තිබුනේ නැති බවත් මාධ්‍ය අංශයේ නිලධාරියා අවධාරණය කර සිටියා.

කර්මාන්ත අමාත්‍ය විමල් වීරවංශ මහතාගේ ෆේස්බුක් පිටුව ද පරීක්ෂා කළෙමු. පසුගිය දින කිහිපයේම ඔහු සක්‍රීවය සිදුකල වැඩකටයුතු පිලිබඳ එහි පලවී තිබු අතර ඔක්තෝබර් මස 19 වැනි දින හිරු රූපවාහිනි නාලිකාවේ සජීව වැඩසටහනක් වන “සළකුණ” වැඩසටහනට ද ඔහු සහභාගි වී සිටින අයුරු ද දක්නට ලැබුණි. එසේම විමල් වීරවංශ අමත්‍යවරයා ඔක්තෝබර් මස 20 වැනිදා පාර්ලිමේන්තු සැසිවාරයට ද සහභාගී වී තිබු අයුරක් මෙසේ දැකගැනීමට හැකිවුණා.

මේ කිසිඳු අවස්ථාවක ඔහුගේ රෝගී තත්වයක් පෙන්නුම් කර තිබුනේ නැත.

Conclusion (අවසාන නිගමනය)

අපගේ විමර්ශනයෙන් පැහැදිලි වන්නේ විමල් වීරවංශ ඇමතිතුමා මේ වනතෙක් යහපත් සෞඛ්‍යය තත්වයෙන් පසු වන බවත් කොරෝනා රෝගය ආසාදිත නොමැති බවත්ය. එමනිසා කර්මාන්ත අමාත්‍ය විමල් වීරවංශ කොරෝනා ආසාදිතයකු වශයෙන් තහවුරු වූ බවට ඉදිරිපත් වන සටහන් සම්පූර්ණයෙන්ම අසත්‍ය සහ සාවද්‍ය සටහන් බවට නිගමනය කරමු.

.hocal-container {

border: 2px solid #000;

background-color: #eee;

border-radius: 5px;

padding: 16px;

margin: 16px 0

}

.hocal-container::after {

content: "";

clear: both;

display: table;

}

.hocal-container img {

float: left;

margin-right: 20px;

border-radius: 50%;

}

.hocal-container span {

font-size: 20px;

margin-right: 15px;

}

@media (max-width: 500px) {

.hocal-container {

text-align: center;

}

.hocal-container img {

margin: auto;

float: none;

display: block;

}

}