මහ මැතිවරණයෙන් ඉවත් වූ මැති ඇමතිවරුන් ගැන දැනගන්න

තරඟ නොකරන හිටපු ජනාධිපතිවරුන්

රනිල් වික්‍රමසිංහ

1994 සිට එක්සත් ජාතික පක්ෂයේ නායක. දෙවන අනුප්‍රප්තික ජනාධිපති වන අතර අග්‍රමාත්‍යවරයා ලෙස 5වතාවක් කටයුතු කර තිබේ. 1994 සිට 2001 දක්වා සහ 2004 සිට 2015 දක්වා විපක්‍ෂ නායක මෙන්ම 1993 -1994 දක්වා, 2001 - 2004 දක්වා, 2015 - 2018 දක්වා, 2018 - 2019 දක්වා සහ 2022 දී ආණ්ඩු 6ට නායකත්වය ලබා දී තිබේ.

මහින්ද රාජපක්ෂ

ශ්‍රී ලංකාවෙහි පාර්ලිමේන්තුවට 1970 වසරේදී තේරී පත් වූ අතර දෙවරක් ජනාධිපති සහ අග්‍රමාත්‍යවරයා ලෙස කටයුතු කර ඇත. 2001දී සහ 2022 විපක්‍ෂ නායක ලෙසින්ද කටයුතු කර තිබේ.

මෛත්‍රීපාල සිරිසේන

1989 දී දේශපාලනයට පිවිස 1994 සිට අමාත්‍යංශ කිහිපයක් ද දරා තිබෙන අතර ශ්‍රී ලංකා නිදහස් පක්ෂයේ මහ ලේකම් ධූරය ද ,සෞඛ්‍යය අමාත්‍යවරයා ධූරය දරා ඇත.

2015 ජනාධිපතිවරණය සඳහා පොදු අපේක්ෂකයෙක් ලෙස ඉදිරිපත් වී ශ්‍රී ලංකාවේ 6 වන ජනාධිපතිවරයා ලෙස පත් විය.

තරග නොකරන හිටපු අමාත්‍යවරුන් සහ හිටපු රාජ්‍ය ඇමැතිවරුන්

තරඟ නොකරන නමුත් ජාතික ලැයිස්තුවට නම් ඇතුලත් කර ඇති පසුගිය පාර්ලිමේන්තුව නියෝජනය කළ හිටපු ඇමතිවරුන් සහ මන්ත්‍රීවරුන්

නාමයෝජනා භාරදුන් පසු ඉවත් වූ මන්ත්‍රීන්

අජිත් මාන්නප්පෙරුම

(ගම්පහ දිස්ත්‍රික්කයේ පක්ෂ සංවිධායක ධුරයෙන් තමා ඉවත් කිරීම හේතුවෙන් සමගි ජන බලවේගයේ ගම්පහ දිස්ත්‍රික් නාමයෝජනා ලැයිස්තුවේ සිය නම ඇතුළත්ව තිබුණත්, තමා මෙවර මහ මැතිවරණයට තරග නොකරන බව එම පක්ෂයේ හිටපු පාර්ලිමේන්තු මන්ත්‍රී ප්‍රකාශ අජිත් මාන්නප්පෙරුම කර සිටී.)

Also read : ප්‍රධාන පක්ෂ පහක ජාතික ලැයිස්තු ප්‍රකාශයට පත් කෙරේ.

පාර්ලිමේන්තු මැතිවරණයට ජාතික නිදහස් පෙරමුණ තරග නොකරන බව, එහි නායක හිටපු පාර්ලිමේන්තු මන්ත්‍රී විමල් වීරවංශ සඳහන් කර සිටී. ඔහු මේ බව සඳහන් කරන්නේ, ජාතික නිදහස් පෙරමුණේ සමාජ මාධ්‍යජාල ගිණුමෙහි මාධ්‍ය නිවේදනයක් නිකුත් කරමිනි.

ජනතා විමුක්ති පෙරමුණේ අතීත උරුමයට අයිතියක් ඇති සහ ඊට ගරු කරන දේශපාලන ව්‍යාපාරයක් ලෙස ජනාධිපතිවරයා බලයට පත් කළ ජනවරම ආරක්ෂා කිරීමට පෙනී සිටින බවත්, ඒ සඳහා පාර්ලිමේන්තුව තුළ සිට කරන භූමිකාවට වඩා ඉන් පිටත භූමිකාව වඩා වැදගත් හා බලවත් වියයුතු බව පක්ෂයේ අදහස වන බවත්, ඒ හේතුවෙන් ඉදිරි පාර්ලිමේන්තු මැතිවරණයේ දී ජාතික නිදහස් පෙරමුණ පක්ෂයක් ලෙස සන්ධානගතව හෝ ස්වාධීනව තරග නොකරන බවත් මෙය පක්ෂයේ සාමූහික තීරණයක් බවත් ඔහු මහජනතාවට දැනුම් දෙන බවයි අදාල නිවේදනයේ දැක්වෙන්නේ.

දෙමළ ජනතා ජාතික සන්ධානයේ නායක හිටපු පාර්ලිමේන්තු මන්ත්‍රී සී.වී විග්නේෂ්වරන් ද නිවේදනය කර ඇත්තේ දේශපාලනයෙන් සමු නොගන්නා නමුත්, මෙවර මහ මැතිවරණයට තරග නොවදින බවයි. ඉලංකෙයි තමිල් අරසු කච්චි වන්නි දිස්ත්‍රික් හිටපු පාර්ලිමේන්තු මන්ත්‍රී චාල්ස් නිර්මලනාදන් ද සිය ෆේස්බුක් ගිණුමෙහි සටහනක් යොදමින් නිවේදනය කර සිටියේ; නවකයන්ට අවස්ථාව ලබා දීමේ අරමුණින් මෙවර පාර්ලිමේන්තු මැතිවරණයට ඉදිරිපත් නොවන බව සියළුම දෙමළ ජනතාවට දන්වා සිටින බවයි.

මේ අතර එක්සත් ජනරජ පෙරමුණ මහ මැතිවරණයට අපේක්ෂකයන් ඉදිරිපත් නොකරන බව එම පක්ෂයේ නායක හිටපු පාර්ලිමේන්තු මන්ත්‍රී පාඨලී චම්පික රණවක මහතා ප්‍රකාශ කර සිටී. ඒ පිළිබඳව ඔහුගේ ෆේස්බුක් ගිණුමෙහි පළ කල වීඩියෝව මෙතනින්.

ඇතැම් මන්ත්‍රිවරු විවිධ කරුණු හේතු කරගෙන එනම්, මූල්‍යමය දුෂ්කරතා, වයස්ගත භාවයත්, කලකිරීම් සේම උගත්, බුද්ධිමත් තරුණ පිරිසකට වැඩි අවස්ථාවක් ලබාදීම ආදී කරුණු හේතු කරගෙන මැතිවරණයට ඉදිරිපත් නොවීමටත් තවත් කිහිපදෙනකු දේශපාලනයෙන් විශ්‍රාම ගත යුතු බව පවසමින් මැතිවරණයට ඉදිරිපත් නොවීමටත් තීරණය කර ඇත. මෙවර මැතිවරණයට ඉදිරිපත් නොවූවත් තම දේශපාලන පක්‍ෂවලට නායකත්වය දෙමින් සහ උපදේශකත්වයෙන් සහයෝගය ලබාදෙමින් දේශපාලනයේ රැඳී සිටින බවත් ඇතැම්හු ප්‍රකාශ කර සිටී.

මෙවර මහ මැතිවරණයට තරග කරන අපේක්ෂකයන් අතර නවක මුහුණු රැසක් දැක ගත හැකි වනු ඇතැයි දේශපාලන නිරීක්ෂකයෝ සඳහන් කරති. එසේම දේශපාලන පවුල්වලට සම්බන්ධ පිරිස්වල ද අඩුවක් දැක ගත හැකි වනු ඇතැයි ඔවුහු පෙන්වා දෙති.