கமத்தொழில் அமைச்சர் மஹிந்தானந்த பதவி நீக்கமா?

INTRO :
கமத்தொழில் அமைச்சரான மஹிந்தானந்த அழுத்கமகே பதிவி நீக்கம் என ஒரு செய்தி சமூக வலைத்தளங்களில் பகிரப்பட்டு வருகின்றமை காணக்கிடைத்தது.

குறித்த தகவலின் உண்மைத் தன்மையினை கண்டறிவதற்கு நாம் தேடுதலில் ஈடுபட்ட வேளையில் ஃபேக்ட் கிரஸண்டோ நிறுவனம் குறித்த தகவல் போலியானது என கண்டறிந்துள்ளது.

தகவலின் விவரம் (What is the claim):

Facebook Link | Archived Link

சமூகவலைத்தளங்களில் ” மஹிந்தானந்த பதவி நீக்கம்! http://www.battinews.com/2021/10/blog-post_560.html . “ என இம் மாதம் 23 ஆம் திகதி (23.10.2021) பதிவேற்றம் செய்யப்பட்டிருந்தது.

இது போன்று மேலும் பலர் பகிர்ந்துள்ளமை காணக்கிடைத்தது.

Fact Check (உண்மை அறிவோம்)

குறித்த தகவலின் உண்மைத் தன்மையினை கண்டறியும் நிமித்தமாக எமது குழுவினர் ஆய்வினை மேற்கொண்டோம்.

நாம் கமத்தொழில் அமைச்சரின் பிரத்தியேக செயலாளரை தொடர்புகொண்டு வினவியபோது, இவ்வாறு எவ்விதமான செய்தியும் தாம் அறியவில்லை, என எமக்கு உறுதி செய்தார்.

இது தொடர்பாக, உத்தியோகப்பூர்வ அறிக்கைகள் எதுவும் இதுவரையில் வெளியாகவில்லை என்பது எமது மேலதிக ஆய்விலிருந்து தெரியவந்தது.

கமத்தொழில் அமைச்சின் உத்தியோகப்பூர்வ இணையதளத்திலும் இன்றுவரை மஹிந்தானந்த அவர்களே அமைச்சராக பெயரிடப்பட்டுள்ளமை காணக்கிடைத்தது.

agrimin.gov.lk | Archived

மேலும் நேற்றைய தினம் ஜனாதிபதி ஊடகப்பிரிவினரால் மேற்கொள்ளப்பட்ட ஊடகச்சந்திப்பில் கலந்துக்கொண்ட மஹிந்தானந்த அழுத்கமகே கமத்தொழில் அமைச்சர் என்று அடையாளப்படுத்தியிருந்த பதிவும் எமக்கு கிடைக்கப்பெற்றது.