ட்ரோன் சாதனையாளரான பிரதாப் என்பவரை பற்றிய தகவல் உண்மையா?
INTRO :
ட்ரோன் சாதனையாளர் பிரதாப் என சில செய்திகள் சமூக வலைத்தளங்களில் பகிரப்பட்டு வருகின்றமை காணக்கிடைத்தது.
குறித்த தகவலின் உண்மைத் தன்மையினை கண்டறிவதற்கு நாம் தேடுதலில் ஈடுபட்ட வேளையில் ஃபேக்ட் கிரஸண்டோ நிறுவனம் குறித்த தகவல் போலியானது என கண்டறிந்துள்ளது.
தகவலின் விவரம் (What is the claim):
Yuvaprageeth Premaranjan என்ற பேஸ்புக் கணக்கில் “ #Copied
இந்த பையனுக்கு வயது 21 தான் ஆகிறது. 1 மாதத்திற்கு குறைந்தது 28 நாட்கள் விமானத்திலேயே வெளிநாட்டிற்கு பயணம் செய்கிறார்.
"FRANCEல் இருந்து அழைப்பு. மாதம் 16 லட்சம் தருகிறோம். 5 Bedroom வீடு தருகிறோம். 2.5Cr மதிப்புள்ள Car தருகிறோம். எங்கள் நாட்டிற்கு வந்து பணிபுரியுங்கள் என்று கெஞ்சுகின்றது"
ஆனால் மறுத்து விட்டார்.
"பிரதமர் இவரை அழைத்து உயரிய விருது அளித்து கௌரவித்துள்ளார். மற்றும் DEFENCE DRDOவில் இணைந்து அத்துறையை மேம்படுத்தும்படி கேட்டுள்ளார்"
கர்நாடகாவில் பிறந்த இவர் அப்படி என்னதான் சாதித்து விட்டார்?
DRONEBOY Pratap
இவர் பிறந்தது கர்நாடக மாநிலத்தில் கடைக்கோடியில் உள்ள ஒரு சிறு குக்கிராமம். தந்தைக்கு விவசாயம். மாத வருமானம் சுமார் Rs.2000/-. சிறு வயதிலேயே Electronics மேல் விருப்பம்.
College படிப்பு
+2 படித்துக்கொண்டே Electronics துறையில் இருந்த தாகத்திற்கும் இவர் தீனி போடத் தவறவில்லை. பக்கத்தில் உள்ள Cybercafe netcenterல் internet மூலம் drone சம்பந்தமான தகவல்களை திரட்டி உள்ளதைப் பார்த்தால் மிகவும் பிரமிப்பாக உள்ளது (Aviation websites, Research websites, Space websites, Roles Roy car Blueprint , Boeing777 Blueprint அனைத்தையும் பிரித்து மேய்ந்துள்ளார்)
Scientistகள் Emailidக்கு mail அனுப்பி தன் சந்தேகங்களை (Butler Englishல்) கேட்டிருக்கிறார். (100 mail அனுப்பினால் 1 பதில் வருமாம். அதுவும் கடந்த 2 வருடங்களாகத்தான் English கற்றுக்கொள்ளவே ஆரம்பத்திருக்கிறார்)
Engg college படிக்க ஆசை. ஆனால் பணவசதி இல்லை. ஆகையால் Bsc Physics சேருகிறார். பின் மைசூரில் BSc 3வது வருடம் படிக்கும்போது Hostel Fees கட்டமுடியாமல் வெளியே துரத்தப்பட்டார். தெருவில், நடைஓர platformல், Busstandல் தங்கியுள்ளார். நகரத்தையே பார்த்திராத இவருக்கு மைசூர் Busstand ஒரு palace மாதிரி இருந்தது என்கிறார். அங்கு Public toiletல் துணி துவைத்து College படிப்பை தொடர்ந்து இருக்கிறார்.
Tuition எடுத்து அதில் வந்த வருமானத்தில் (Rs.20க்காக அதிகாலை 2மணிக்கு எழுந்து 16 km நடந்து) எப்படியாவது ஒரு பறக்கும் Machineஐ குறைந்த செலவில் உருவாக்கிட வேண்டும் என தீவிரமாக எண்ணினார். அப்பொழுது அதன் பெயர் Drone என்பது கூட அவருக்குத் தெரியாது.
Courseல் சேருவதற்கு பணம் கிடையாது என்ற காரணத்தினால் C++ JavaCore Python Adobe Cloud Computing போன்ற Softwareகளை எல்லாம் சுயமாகக் கற்று, அவை அனைத்திலும் தேர்ச்சி பெற்றார்.
பின் Bombay, Visakappattinam போன்ற ஊர்களில் மலைமலையாக குவிக்கப்பட்டிருந்த eWaste Scrap yardல் தேடி அலைந்தார். இப்படியாக தனது Drone Projectக்கு ஆகும் செலவை 40% வரை குறைத்துள்ளார்.
ஏகப்பட்ட முறை முயன்று தோல்வி அடைந்து பின் மனம் தளராது தனது 80 வது முயற்சியில் வெற்றி பெற்றார்.
அன்று தானே பறப்பது போல இருந்தது என சந்தோசமாக சொல்கிறார்.
IIT நடத்தும் ஒரு Drone Competionல் கலந்து கொள்வதற்காக unreserved compartmentல் 3 நாள் ரயிலில் டில்லிக்கு பயணம் செய்கிறார். சரியான Shoes கிடையாது. சரியான Dressகிடையாது. இந்தியாவிலுள்ள பல்வேறு மாநிலங்கள் கலந்து கொண்ட அந்த போட்டியில் 2 வது பரிசு கிடைக்கிறது. அவரது உற்சாகம் பீறிட்டுக் கொள்கிறது.
"ஜப்பானில் இதே மாதிரி ஒரு போட்டி நடக்கிறது. அதில் கலந்து கொள்ளுங்களேன்" என்று யாரோ சொல்ல அதற்கான முயற்சியில் இறங்குகிறார். அதற்காக passport visa எல்லாம் வாங்க வேண்டும் என்பது கூட அவருக்கு தெரிந்திருக்கவில்லை.
தன்னுடைய 10th, +2 marksheetஐ அடமானம் வைத்து கொஞ்சம் பணம் பெநுகிறார். பல்வேறு நபர்கள் (College friends, professors) முடிந்தவரையில் இவருக்கு உதவுகிறார்கள். ஒருவழியாக
Tatkalல் passport visa எல்லாம் வாங்கி விட்டார். ஆனால் ஆணிவேரை அசைக்கிற மாதிரி ஒரு சம்பவம் நடந்தது.
ஜப்பானில் நடக்கும் போட்டியில் பங்கேற்க வேண்டும் என்றால் ஒரு Professor Phdயிடம் இவரது project report எல்லாம் சமர்ப்பித்து Approval வாங்க வேண்டும். அதற்காக சென்னைக்கு கிளம்புகிறார். கையில் இருப்பதோ வெறும் 300 ரூபாய்தான்.
புண்ணியம் கட்டிக் கொண்ட சென்னை:-
சென்னையோ இவருக்கு புதிது. ஒரு வழியாக professor வீட்டைக் கண்டுபிடித்து கேட்டால் அவர் வீட்டில் இல்லை. தொடர்ந்து 4 நாட்களாக படையெடுக்கிறார். கையில் காசு கரைந்து கொண்டே இருக்கிறது. Public toiletல் துணியை துவைத்து (ஒரே ஒரு Dressதான் கைவசம். அதைத்தான் துவைத்து மறுநாள் உடுத்த வேண்டும் ) central railway stationல் platformல் உறங்கி.... இப்படி போகிறது வாழ்க்கை. கடைசியாக professorஐ சந்திக்கிறார். Project reportஐ பார்த்த அந்த professor புண்ணியம் கட்டிக் கொள்கிறார்.
"நீயோ BSc Arts Group. உன் படிப்புக்கும் நீ பண்ணுகின்ற இந்த projectக்கும் என்ன சம்பந்தம்? கையெழுத்து போட மறுத்து விடுகின்றார். மறுபடியும் Back to Square 1. Drone project வேறு பாதியில் நிற்கிறது. அதையும் ready பண்ண வேண்டும். தொடர்ந்து 31 நாட்கள் Professor கையெழுத்துக்காக படை எடுக்கிறார். காலை tiffinக்கும் இரவு dinnerக்கும் ஒரே ஒரு ரொட்டி துண்டுதான்(Rs.5/-). மற்ற நேரத்திற்கு தண்ணீர்தான் உணவு.
14 நாட்களுக்குள் கையில் உள்ள பணம் அனைத்தும் காலி. ரொட்டிக்கு கூட வழி இல்லை. கடைசியில் 31 நாட்கள் கழித்து எப்படியோ Signature வாங்கியபின் Mysoreக்கு திரும்புகிறார்.
ஜப்பான் பயணம்:-
இந்திய நாட்டின் சார்பாக இந்த போட்டியில் கலந்து கொள்ள பயணச்செலவு (குறைந்தபட்சம்) Rs.60000 தேவைப்படுகிறது. மாநில மற்றும் மத்திய அரசுகளுக்கு பலமுறை mail போட்டும் ஒன்றும் பயனில்லை.
மைசூரில் உள்ள கருணை உள்ளம் கொண்ட ஒரு சுவாமிஜி Flight ticket எடுத்துக் கொடுக்கிறார். எவ்வளவு முயற்சி செய்தும் பணம் பற்றாமல் தன் தாயின் தாலிக்கொடியை விற்று இதர பயண செலவுகளை சமாளிக்கிறார்.
Bangalore busstandயே பார்க்காத தனக்கு முதல் விமானப்பயணமே International flight. அதுவும் Transfer flight வேறு. மிகவும் சிரமப்பட்டு திக்கி திணறி ஒரு வழியாக தன்னந்தனியாக TOKYOல் போய் இறங்குகிறார்.
Tokyo Exibition Centre
கையில் இருப்பதோ வெறும் Rs.1400தான். Airportவ் இருந்து
Exibition Centreக்கு Bullet trainல போனால் 2 மணி நேரம்தான் ஆகும். அதிக செலவு ஆகும் என்பதால் Normal trainல போகலாம் என்று முடிவு செய்கிறார். ஆனால் ஒரு பிரச்சினை. 16 Station மாற வேண்டும். ஒவ்வொரு Stationலயும் அத்தனை LIFTடையும் Elevatorயும் platformயும் கடந்து லக்கேஜோட Train மாற வேண்டும். எதுவும் சாப்பிடவில்லை. கடைசி Station வந்தாயிற்று. Exibition Centre அங்கிருந்து 8 km . மறுபடியும் அனைத்து Boxயும் தூக்கி பின் இறக்கி வைத்து இப்படியே 8 KM நடந்து ஒரு வழியாக 5 நாட்கள் கழித்து Exibition Centreஐ அடைகிறார்.
இறுதிச்சுற்று:-
127+ நாடுகள் பங்கேற்கிற அந்த Expoவில் எப்படியாவது 70வது இடத்தையாவது பிடித்துவிடவேண்டும் என்று வெறியுடன் Resultஐ பார்த்துக்கொண்டே இருக்கிறார்.
இவர் பேர் வரவில்லை....
50வது இடமாவது வருகிறதா
என்று Resultஐ பார்க்கிறார்.
இவர் பேர் வரவில்லை.....
30வது இடமாவது வருகிறதா
என்று Resultஐ பார்க்கிறார்.
இதில் Chinese universityதான் ஆதிக்கம் செலுத்துகின்றது.
இவர் பேர் வரவில்லை.....
20வது இடமாவது வருகிறதா
என்று Resultஐ பார்க்கிறார். இதில் Europe மற்றும் German universityகள்தான் ஆதிக்கம் செலுத்துகின்றது.
நம்பிக்கையற்ற நிலையில்
எல்லாவற்றையும் Repack பண்ணுகிறார். தான் பட்ட கஷ்டம் எல்லாம் கண்முன்னே நிழல் ஆடுகிறது. வேற வழி தெரியாமல் கடைசி rowல் போய் உட்கார்ந்து வேடிக்கை பார்க்கிறார்.
Top 10 பட்டியல் அறிவித்துக் கொண்டே இருக்கிறார்கள். இதில் Americaவின் top universityகள்தான் ஆதிக்கம் செலுத்துகின்றன.
எப்படியும் STANFORD Universityதான் FIRST PRIZE என்று எல்லோரும் ஆவலுடன் காத்திருக்கிறார்கள். 2nd prize STANFORD University என்று Announce பண்ணியவுடனே அப்போ யார் 1st prize?
"Please welcome Mr.Pratap GOLD MEDALIST from INDIA"
நம்ம ஆளுக்கு அழுகை அழுகையாக வருகிறது. கண்களில் இருந்து தாரை தாரையாக கண்ணீர்.
INDIA கொடி மேலேயும் AMERICA கொடி கீழேயும் இறங்குவதை பார்த்ததும்
"கண்முன்னே அம்மாவின் தாலி வந்து போகின்றது"
10000$ REWARDஆக தருகின்றார்கள்.
அதற்கப்புறம் என்ன ஒரே ஆரவாரம் கொண்டாட்டம்தான். Karnataka MLA MP எல்லோரும் இவருடைய வீட்டுக்கு படை எடுக்கிறார்கள். FRANCEலும் போய் அங்கேயும் First prize. உலக நாடுகள் அனைத்தும் தலையில் வைத்துக் கொண்டாடுகின்றது.
"உலக நாடுகள் எங்கள் நாட்டிற்கு வந்து பணிபுரியுங்கள் என்று கெஞ்சுகின்றது. ஆனால் மறுத்து விட்டார்"
இந்தியாவின் மினி அப்துல் கலாம்
வாழ்த்துகள் தம்பி.....” என கடந்த மாதம் 30 ஆம் திகதி (30.05.2021) பதிவேற்றம் செய்யப்பட்டிருந்தது.
இது போன்று மேலும் பலர் பகிர்ந்துள்ளமை காணக்கிடைத்தது.
Fact Check (உண்மை அறிவோம்)
குறித்த தகவலின் உண்மைத் தன்மையினை கண்டறியும் நிமித்தமாக எமது குழுவினர் ஆய்வினை மேற்கொண்டோம்.
நாம் கூகுள் தேடு தளத்தில் Drone Prathap எd தேடிய போது பல உண்மை கண்டறியும் நிறுவனங்கள் இவர் தொடர்பாக மேற்கொண்ட ஆய்வு அறிக்கைகளே காணக்கிடைத்தன.
குறித்த செய்தியானது 2019 ஆம் ஆண்டு முதலே பரவி வருகின்றமை எனது தேடலின்போது கண்டறியப்பட்டது.
இந்தியாவின் கர்நாடகா மாநிலத்தில் மண்டியாவைச் சேர்ந்த பிரதாப் கடந்த 2019 ஆம் ஆண்டு ஆகஸ்ட் மாதத்தில் பெலகாவி மாவட்டத்தில் ஏற்பட்ட வெள்ளப்பெருக்கில் மீட்புப் பணியை மேற்கொள்வதில் அந்நாட்டு தேசிய பேரிடர் மீட்புப் படையினருக்கு உதவியாகச் செயல்பட்டதாக அறியக்கிடைத்தது. குறித்த பணியின் போது இவர் ட்ரோன் விமானங்களை இயக்கி வெள்ளத்தில் சிக்கியவர்களை அடையாளம் கண்டு உயிருடன் மீட்பதற்கு உதவி செய்துள்ளமையினை அங்கு நேரில் பார்த்த தேசிய பேரிடர் மீட்புப் படையினரே உறுதிப்படுத்தியும் உள்ளனர். இது பற்றி ஊடகங்களிலும் செய்தி வெளியாகியிருந்தது.
deccanherald.com | Archived Link
மேலும் இது குறித்து ஆய்வினை மேற்கொண்ட போது, பிரதாப் பற்றி பலவிதமான தகவல்கள் சமூக வலைதளங்களில் டிரெண்டிங் ஆக தொடங்கின. ஆனால், அவருக்கு இந்திய பிரதமர் எதுவும் விருது அளித்து கௌரவிக்கவில்லை எனவும், DRDOல் பணிபுரிய அழைப்பு விடுக்கவும் இல்லை எனவும் பூம் ஊடகத்திற்கு தெரிவித்துள்ளார்.
எனவே, அவருக்கு DRDO பணி எதுவும் கிடைக்கவில்லை; பிரதமர் விருது எதுவும் கிடைக்கவில்லை. ஆனால், ஃபிரான்ஸ் நிறுவனம் ஒன்றில் இருந்து பணிக்கு அழைப்பு தரப்பட்டிருக்கிறது என்று நன்கு புரிகிறது.
அடுத்தப்படியாக, அவர் தயாரித்த ட்ரோன்கள் என்று கூறி பகிரப்படும் புகைப்படங்கள் கூட தவறான தகவல்கள் என விவரம் கிடைத்தன. சில சர்வதேச ட்ரோன் கண்காட்சியில் பங்கேற்றபோது எடுத்த புகைப்படங்களை வைத்துக் கொண்டு, இவை எல்லாம் தனது தயாரிப்புகள் என்று பிரதாப் கூறிவருவதாக, தெரியவந்தது.
உதாரணமாக, மேலே உள்ள புகைப்படத்தில், ACSL என்ற பெயரைக் காண முடிகிறது. இது என்ன என்று விவரம் தேடினால், ஜப்பானைச் சேர்ந்த Autonomous Control Systems Laboratory Ltd-ன் இலட்சினை இது என தெரியவந்தது.
இந்நிறுவனத்திற்கும், பிரதாப்பிற்கும் எந்த சம்பந்தமும் இல்லை என்று, அதன் நிறைவேற்று அதிகாரி Reddit இணையதளத்தில் பதில் அளித்துள்ளார்.
அவர் வாங்கியதாகக் கூறப்படும் விருதுகள் பலவும் உரிய ஆதாரங்களுடன் இதுவரை நிரூபிக்கப்படவில்லை என்பது குறிப்பிடத்தக்கது.
குறித்த ஆய்வில் பிரதாப் தன்னைப் பற்றி பரவும் தகவல்கள் பலவும் போலியானவை என்ற விவரம் தெரியவரவே, இதுபற்றி விளக்கம் அளிக்க முடியாமல் இருப்பது உறுதியாகியுள்ளது.
நாம் மேற்கொண்ட தேடலுக்கு அமைய ட்ரோன் சாதனையாளரான பிரதாப் என்பவரை பற்றிய தகவல் என பகிரப்படும் தகவல் பெரும்பாலானவை போலியானது என்று கண்டறியப்பட்டுள்ளது.
Conclusion: முடிவு
எமது வாசகர்களே, இதுபோன்ற தவறான செய்திகள், புகைப்படங்கள் மற்றும் வீடியோக்களை உறுதி செய்யாமல் மற்றவர்களுக்குப் பகிர வேண்டாம்.
இவ்வாறான சந்தர்ப்பங்களில், இவற்றின் உண்மைத்தன்மையினை கண்டறிய எமது வாட்ஸ்அப் இலக்கத்திற்கு (+94771514696) தொடர்பு கொள்ளுங்கள்.
Title:ட்ரோன் சாதனையாளரான பிரதாப் என்பவரை பற்றிய தகவல் உண்மையா?
Fact Check By: Nelson ManiResult: Missing Context
