නොමග යන සුළු අන්දමින් පළ වූ තැපැල් ඡන්ද ප්‍රතිඵල
දිනපතා සත්‍ය කරුණු දැන ගැනීමට අපගේ WhatsApp චැනලයටමෙතනින් එකතුවන්න.
2024 ජනාධිපතිවරණයේ නිල තැපැල් ඡන්ද ප්‍රතිඵල බවට දක්වමින් සමාජ මාධ්‍ය ඔස්සේ සංසරණය වන නොමග යවන සුළු සටහන් සම්බන්ධයෙන් අප සිදු කළ කරුණු පරීක්ෂාවක් පහතින්.
සමාජ මාධ්‍ය සටහන් :
රත්නපුර දිස්ත්‍රික්කයේ නිල තැපැල් ප්‍රතිඵල ලැබුණු බවට දක්වමින් සමාජ මාධ්‍ය ඔස්සේ පළ වූ සටහන් වල දැක්වෙන්නේ, තෙවන ස්ථානය ලබා ගෙන ඇත්තේ නාමල් රාජපක්ෂ මහතා බවටයි.
Fact-Check
2024 ජනාධිපතිවරණයේ පළමු තැපැල් ඡන්ද ප්‍රතිඵලය වන රත්නපුර දිස්ත්‍රික් නිල තැපැල් ඡන්ද ප්‍රතිඵලය ප්‍රධාන රූපවාහිනි නාලිකා වාර්තා කිරීමේදී දක්වා තිබුණේ, වැඩිම ඡන්ද ප්‍රමාණයක් ලබා ගනිමින් අනුර කුමාර දිසානායක මහතාත්, දෙවනුව සජිත් ප්‍රේමදාස මහතාත්, තෙවනුව නාමල් රාජපක්ෂ මහතාත් බවයි.
නමුත් මැතිවරණ කොමිසම විසින් තහවුරු කරන ලද ප්‍රතිඵල පත්‍රිකාවේ දක්වා තිබුණේ ඡන්ද 6,641 ක් ලබමින් 21.06% ලබා දෙවන ස්ථානය ලබා ගෙන ඇත්තේ රනිල් වික්‍රමසිංහ මහතා බවයි.
මීට හේතුව වී තිබුණේ, රූපවාහිනි නාලිකා සඳහා ප්‍රතිඵල නිකුත් කිරීමේදී මැතිවරණ කොමිසම විසින් සිදු වූ තාක්ෂණික දෝශයක් බව අපට තහවුරු වුණා. එමෙන් ම සියලුම රූපවාහිනි නාලිකා විසින් නිවැරදි ප්‍රතිඵලය නැවත ප්‍රකාශ කළත්, බොහෝ සමාජ මාධ්‍ය සටහන් ඒ වන විටත් පළමුවෙන් පළකරන ලද ඡන්ද ප්‍රතිඵලය හුවමාරු කරගැනීම මෙම පටලැවිල්ලට හේතු වී තිබුණා.
අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok
