තායිලන්ත රජතුමා සහ රාජකීයන්ගේ සිරිත් විරිත් සම්බන්ධ විවිධ ප්‍රචාර සමාජ ජාලා හරහා පැතිරෙනවා.මින් සමහරක් නොමග යවන සුලු සහ වැරදි සහගත ප්‍රචාරයි .මේ එවැනි නොමග යවන සුලු ප්‍රචාරයක් සම්බන්ධයෙන් අප සිදුකළ කරුණු විමසා බැලීමක් .
සමාජ ජාලා සටහන්
ෆේස්බුක් පරිශීලකයෙක් විසින් තායිලන්ත රජුට කාන්තාවක් වදින ආකාරයේ ඡායාරූපයක් ඉදිරිපත් කරමින් පහත සටහන එක්කර තිබුණා .
“තායිලන්තයේ මහා වජිරලොන්කෝම් රජු ඉදිරියේ දනින් වැටී බඩගානා සේවකයෝ…
තායිලන්තයේ මහා වජිරලොන්කෝම් රජු සම්බන්ධයෙන් ඔබ වඩාත්ම ආකර්ෂණයට පත්වන්නේ කුමන ක්‍රියාවක් නිසාද?
AFZAAL AGHA
තායිලන්තයේ රජු, ඔහු වටා බඩගාමින් සිටි කාර්ය මණ්ඩලය පිරිවරාගෙන සිටින මේ ජායාරූප පසුගිය දා මාධ්‍යයේ ප්‍රචාරය විය..
මහා වජිරලොන්ග්කෝන්ගේ ආන්දෝලනාත්මක ඡායාරූප නිකුත් කරනු ලැබුවේ එරට රජ පවුලේ ජායාරූප හබාගිය විශේෂඥ මාධ්‍යවේදියෙකු විසිනි.”
මේ ආකාරයේම තවත් සටහනක් පහතින් .
“මෙච්චර දියුණු ලෝකයෙ මෙහෙම රටවලුත්
.
තායිලන්තයේ මහා වජිරලොන්කෝම් රජු ඉදිරියේ දනින් වැටී බඩගානා සේවකයෝ…
තායිලන්තයේ මහා වජිරලොන්කෝම් රජු සම්බන්ධයෙන් ඔබ වඩාත්ම අපකීර්තියට පත්වන්නේ කුමන ක්‍රියාවක් නිසාද?
AFZAAL AGHA
තායිලන්තයේ රජු, ඔහු වටා බඩගාමින් සිටි කාර්ය මණ්ඩලය පිරිවරාගෙන සිටින මේ ජායාරූප පසුගිය දා මාධ්‍යයේ ප්‍රචාරය විය..
මහා වජිරලොන්ග්කෝන්ගේ ආන්දෝලනාත්මක ඡායාරූප නිකුත් කරනු ලැබුවේ එරට රජ පවුලේ ජායාරූප හබාගිය විශේෂඥ මාධ්‍යවේදියෙකු විසිනි.
ආසියාතික රටක සිදුවන බව පැවසෙන අපට තරමක් ආගන්තුක දෙයක් නිසා මේ පිළිබදව ගවේෂණයක් කිරීමට අප තීරණය කළා .
Fact Check (සත්‍ය තොරතුරු විමසා බැලීම )
අප විසින් මුලින්ම මෙම ඡායාරූපය Google Reverse Image Search මගින් සොයා බැලුවා. එහිදී අපට දැකගන්නට ලැබුණේ මෙම ඡායාරූපය මගින් නිරූපණය වන්නේ තායිලන්ත රජුගේ සේවිකාවක් නොව ඔහුගේ බිරිද/රැජිණ බවයි. මෙම ඡායාරුපය ලබාගෙන තිබුනේ 2019 මැයි මාසයේදී තායිලන්ත රජු විසින් සිය ජනරාල්වරිය වූ General Suthida Vajiralongkorn na Ayudhya, තම බිරිඳ ලෙස විවාහ ගිවිසගැනීමේ උත්සවයේදීය. මෙහි මුල් ඡායාරූපය EFE ඒජන්සි ඡායාරූප ගොණුවේ තිබී අපට සොයාගන්නට ලැබුණේ මේ ආකාරයෙන් .
මේ සම්බන්ධයෙන් වාර්තා කරන BBC ආයතනය පවසන්නේ රජු ඉදිරියේ ඇයගේ බිරිද මෙන්ම උත්සවයට සම්බන්ධව සිටි සෙසු පිරිසද වැද වැටුණු අතර එය තායිලන්තයේ චාරිත්‍රයක් වන බවයි. එමෙන්ම සමාජ ජාල සටහනේ ඇති ඡායාරූපය මගින් නිරූපණය වන්නේ රාජකීය විවාහ මංගල උත්සවයේදී තායිලන්ත රජු විසින් විවාහ වන රැජිණගේ හිසට ශුද්ධවූ ජලය එක්කිරීම බවත් BBC වාර්තාවේ සදහන් වනවා .එම වාර්තාවට පිවිසිය හැකියි මෙතනින් .Archived
එසේම රාජාභිෂේකයට දින කිහිපයකට පෙර සිදුවූ මෙම විවාහය , තායි රජු Maha Vajiralongkorn ගේ සිව්වැනි විවාහය ලෙස ද වාර්තා වී තිබුනේ මෙලෙසින්
මෙම විවාහ මංගල උත්සවය හා සම්බන්ධ වීඩියෝවක් පහතින්. එහි ද රජු ඉදිරියේ ආචාර කිරීමෙන් පසුව රජුට පසෙකින් ඇති අසුනේ, ඔහුගේ බිරිඳ ලෙස වාඩිවී සිටින දර්ශන ද දැකගත හැකියි.
මුහුදෙන් ලබාගන්නා ලද ෂෙල් එකක් තුළින් යුවලගේ අත්වලට වතුර වත් කිරීම තායි චාරිත්‍රනුකූල විවාහ ගිවිසගනිමක ප්‍රධාන අංගයක් ලෙස සලකනු ලැබේ. ඒ පිලිබඳ විස්තර මෙතනින්
අපගේ කරුණු විමසීම් පිළිබඳ තොරතුරු දැන ගැනීමට එක්වන්න.
Facebook | Twitter | Instagram | Google News
Conclusion (අවසාන නිගමනය)
අප විසින් සිදු කරන ලද කරුණු විමසා බැලීමේදී තහවුරු වන්නේ තායිලන්ත රජු ඉදිරියේ වැද වැටෙන්නේ ඔහුගේ සේවකයෙක් නොව 2019 පැවැති විවාහ උත්සවයේදී විවාහ ගිවිසගත් සිය රැජිණ බවයි. එමෙන්ම මේ ආකාරයට ආචාර කිරීම තායිලන්තයේ සාම්ප්‍රදායකි.
Title: තායිලන්ත රජතුමා ඉදිරියේ බිම බඩගාන ඔහුගේ සේවකයන් ? (PHOTO)
Fact Check By: Kalana KrishanthaResult: Misleading
Possessing more than five years of experience in journalism related to print as well as online media, Kalana, the editor of Factcrescendo Sri Lanka is a graduate of Psychology and holds a diploma in Diplomacy and World Affairs,
