- >>
- Social
නව රජයෙන් සුඛෝපඝෝගී Low Floor බස් රථ මගී මගී ප්‍රවාහනයට යොදාගන්නා අයුරු ? (Photo)
දිනපතා සත්‍ය කරුණු දැන ගැනීමට අපගේ WhatsApp චැනලයට මෙතනින් එකතුවන්න.
නව ජනපති අනුර කුමාර දිසානායක විසින් පිහිටුවාගත් තවකාලික නව රජයේ ප්‍රධානින් ඉලක්ක කරගනිමින් සහ ඔවුන් විසින් ගත ඇතැම් තීරණ බවට සඳහන් කරමින් නොයෙකුත් නොමගයවන සුළු සමාජ ජාලා සටහන් බොහොමයක් හුවමාරු වෙනවා.
සමාජ ජාලා සටහන්:
මේ ආකාරයට හුවමාරු වූ සමාජ ජාලා සටහන් පෙළකින් දැක්වෙන්නේ, ජාතික ජන බලවේගයේ රජය බලයට පත්වීමෙන් පසු නවීන පන්නයේ සුඛෝපඝෝගී Low Floor බස් රථ විශාල ප්‍රමාණයක් ආනයනය කර, මගී ප්‍රවාහන කටයුතු සඳහා එකතු කර ඇති බවක් .
මේ පිලිබදව කරුණු විමසා බැලීමක් සිදු කිරීමට අප තීරණය කළා.
Fact Check ( සත්‍ය කරුණු විමසා බැලීම )
අප මුලින්ම, ඉහත සටහන් සඳහා යොදාගෙන තිබු සේයාරුව, Reverse Image Search සෙවීමකට යොමුකර මෙම බස්වල මුල් ඡායාරූප කුමන ආකරයේ පසුබිමකින් ලබාගෙන ඇතිද යන වගක් විමසා බැලුවා.
විදෙස් රටක පැරණි ඡායාරුපයක්
එහිදී අපට දක්නට ලැබුණේ මුල් ඡායාරූපය ඇතුළත් 2010 පළවූ වර්තාවක දැක්වෙන්නේ පෝලන්තයේ වෝර්සෝ ප්‍රදේශයේ ප්‍රවාහනය සම්බන්ධ පරිපාලන අධිකාරියක් විසින් නව බස් රථ සදහා ටෙන්ඩර් පටිපාටිය යටතේ සමාගමකට අවසර ලබාදුන් අවස්ථාවක්. වැඩි විස්තර මෙතනින්.
ඉන් අනතුරුව අප ප්‍රධාන ධාරාවේ මාධ්‍ය හරහා සොයා බලනු ලැබුවේ ජාතික ජන බලවේගය විසින් පිහිටුවාගත් නව අමාත්‍ය මණ්ඩලයට විසින් බස් රථ ගෙන්වූ බවට, හෝ එවැනි තීරණයක් ගත බවට වන පුවත් පවතීද යන්නක්. නමුත් එවැන්නක් දක්නට ලැබුණේ නැහැ.
ව්‍යාජ සටහන් පෙළක් බව ප්‍රවාහන අමාත්‍යංශය ද තහවුරු කරයි
තවදුරත් මේ පිලිබදව කරුණු විමසීමට, ප්‍රවාහන අමාත්‍යවරයා ලෙස කටයුතු කරන විජිත හේරත්ගේ පුද්ගලික ලේකම්වරයාව අප සම්බන්ධ කරගත් අතර ඔහු පැවසුවේ නව රජය පත්වී මාසයක්වත් ඉක්ම නොගිය මෙවන් අවස්ථාවක පැතිරෙන මෙම සමාජ ජාලා සටහන් සාවද්‍ය බවයි. එමෙන්ම බස් රථ ගෙන්වීම වැනි කරුණක් සම්බන්ධයෙන් අවම වශයෙන් සාකච්චාවට හෝ බදුන්වී නොමැති බවත් ඔහු පැවසුවා.
ලංගම සභාපති රමාල් සිරිවර්ධනද පැහැදිලි කලේ බස් රථ ගෙන්වීම සම්බන්ධයෙන් සාකච්චාවක් හෝ මේ ආණ්ඩුව යටතේ සිදුව නොමැති බවත් ,බස් රථ අලුතින් සංචිතයට එක්කර නොමැති බවත්ය .
කෙසේනමුත්, බස් රථ ඇතුළු වාහන ආනයනය කිරීම පසුගිය ආර්ථික අර්බුද සාමය යටතේ නතරව තිබුණු අතර ඔක්තෝබර් 1 වැනිදා සිට මගී ප්‍රවාහන කටයුතු වෙනුවෙන් බස් රථ ආනයනය සදහා අවසර ලබාදීමට පසුගිය රජය යටතේ තීරණයක් ගෙන තිබුණු අතර වත්මන් රජය යටතේ ද එම තීරණය බලාත්මකයි .ඒ සම්බන්ධ විස්තර මෙතනින්.
එසේම පෙර පවැති රජයන් ද විවිධ අවස්ථාවල දී පහත මට්ටමේ තට්ටුවක් සහිත බස් රථ (Low Floor bus) ගෙන්වීමට කටයුතු කර තිබු අතර එම අවධි වලදී ද මේ ගැන අතිශයෝක්තියක් ඇති කරමින් නොමඟ යවන සුළු සටහන් සමාජ මාධ්‍ය ඔස්සේ හුවමාරු වුණා. මීට වසර තුනකට පෙර, හුවමාරු වූ එවැනි නොමඟ යවන සුළු සටහන් පෙළක් පිළිබඳව අප එම අවධියේ සිදුකළ කරුණු විමර්ෂණයක් මෙතනින්.
අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok
Conclusion (නිගමනය)
අප විසින් සිදු කරන ලද කරුණු විමසා බැලීමෙන් තහවුරු වන්නේ නව රජය මගින් මේ වන විට දිවයිනට පහත මට්ටමේ තට්ටුවක් (Low Floor) බස් රථ ගෙන්වා ඇති බවට පළවන සමාජ ජාලා සටහන් අසත්‍ය බව ප්‍රවාහන අමාත්‍යංශය තහවුරු කර සිටින බවයි. මෙම ව්‍යාජ සටහන් සඳහා යොදාගෙන තිබෙන්නේ 2010 විදෙස් රටක පළවූ වර්තාවක දැක්වෙන ඡායාරුපයක්.
