දිනපතා සත්‍ය කරුණු දැන ගැනීමට අපගේ WhatsApp චැනලයටමෙතනින් එකතුවන්න.
අප රටේ ආණ්ඩුක්‍රම ව්‍යවස්ථාවේ නවවන වගන්තියේ සඳහන් වන්නේ බලයට පත් වන රජයක් බුද්ධාගමට ප්‍රමුඛතාවය ලබාදිය යුතු බවත්, බුද්ධාගම ආරක්ෂා කිරීම හා පෝෂණය කිරීම සිදු කරන බවත් ය. එහෙත් මේ වන විට විවිධ කණ්ඩායම් සහ සමාජ මාධ්‍ය චෝදනා කරනු ලබන්නේ වත්මන් ආණ්ඩුව බුද්ධ ශාසන අමාත්‍යාංශය නාමිකව පවත්වාගෙන ගොස් අහෝසි කිරීමට සූදානම් වන බවය. මෙහි සත්‍ය අසත්‍යතාව අප කරුණු පරීක්ෂාවක් සිදු කිරීමට පියවර ගනු ලැබුවා.
සමාජ මාධ්‍ය සටහන් (Social Media Posts) :
“මාලිමා ආණ්ඩුව හොර රහසේම බුද්ධ ශාසන කටයුතු පිළිබඳ අමාත්‍යාංශය අහෝසි කරළා, බුද්ධ ශාසන අමාත්‍යාංශය අහෝසිද?“ යනුවෙන් සඳහන් කරමින් සමාජ මාධ්‍ය සටහන් පෙළක් සංසරණය වී තිබුණා.
“බුද්ධ ශාසනය පිළිබඳ අමාත්‍යාංශයක් රටේ දැන් නෑ. තිබ්බ එක අහෝසි කලා” යනුවෙන් අමාත්‍ය සුනිල් සෙනවි පැවසු බව සඳහන් කරමින් තව ත් සමාජ මාධ්‍ය සටහනක් පළ වී තිබුණා.
මෙම සටහන්වල නිරවද්‍යතාව සොයා බැලීමට අප පියවර ගනු ලැබුවේ මෙලෙසින්.
Fact Check (කරුණු විමර්ශනය කිරීම) :
බුද්ධ ශාසන කටයුතු අමාත්‍යාශය අහෝසි කර ඇති බවට ප්‍රධාන මාධ්‍ය ධාරා වාර්තා කර තිබුණේ ද, යන්න අප ප්‍රථමයෙන් ම පරීක්ෂා කරනු ලැබුවා. නමුත් එම අමාත්‍යාංශ ඉවත් කර ඇති කිසිදු ප්‍රධාන මාධ්‍ය ධාරාවක් වාර්තා කර නොතිබුණි.
බුද්ධ ශාසන, ආගමික හා සංස්කෘතික කටයුතු අමාත්‍යාංශය භාර ඇමතිවරයා වන ආචාර්ය හිනිදුම සුනිල් සෙනෙවි මහතා පවසා පසුගිය ජූලි 17 වන දා ස්වර්ණවාහිනි නාලිකාවේ ‘රතුඉර’ වැඩ සටහනදී වත්මන් ආණ්ඩුව අමාත්‍යාංශ විසි ගණනකට සීමා කළ නිසා ඔවුන්ට අමාත්‍යාංශ ගණනාවක් එක් අමාත්‍යාංශයක් ලෙස ස්ථාපනය කිරීමට සිදු වූ බව ත්, වර්තමානයේ පවතින්නේ බුද්ධ ශාසන ආගමික හා සංස්කෘතික කටයුතු අමාත්‍යාංශය අමාත්‍යාංශය වන අතර ඒ යටතේ බෞද්ධ කටයුතු දෙපාර්තමේන්තුව පවතින බව ත්, ඒ මහතා සඳහන් කළා.
මේ පිළිබඳ වැඩිදුරටත් අදහස් ප්‍රකාශ කළ අමාත්‍ය නලින්ද ජයතිස්ස ප්‍රකාශ කර සිටියේ බුද්ධ ශාසන ආගමික හා සංස්කෘතික කටයුතු අමාත්‍යාංශය යටතේ බෞද්ධ කටයුතු දෙපාර්තමේන්තුව, මධ්‍ය සංස්කෘතික අරමුදල, බුද්ධ ශාසන අරමුදල, බෞද්ධ පුනරුද අරමුදල, පුරාවිද්‍යා දෙපාර්තමේන්තුව ඇතුළු ආයතන විසි හයක් ගැසට් කර ඇති බවය. මෙම අමාත්‍යාංශයෙන් බෞද්ධ ශාසනයට අදාළ සියලු කටයුතු සිදු වෙමින් පවතින බව ද අවධාරණය කළ ඔහු තවදුරටත් පවසා සිටියේ මේ සම්බන්ධව කිසිදු මහා නායක ස්වාමීන් වහන්සේ නමකගෙන් හෝ නායක අනුනායක හාමුදුරුවන් වහන්සේ නමකගෙන් චෝදනා එල්ල වී නොමැති බවයි.
එමෙන් ම සියම්, රාමණ්‍ය, අමරපුර ඇතුළු සියලු නිකායන්හි නායක, මහානායක, අනුනායක ස්වාමීන්වහන්සේළා ප්‍රාදේශීය වශයෙන් නිරන්තරයෙන් ම තම ආණ්ඩුව විසින් ගොස් හමුවන බවත් මෙම චෝදනා දේශපාලනිකව ආණ්ඩුවට එල්ල කරන බොරු චෝදනා පමණක් බවත් අමාත්‍ය නලින්ද ජයතිස්ස මහතා පවසා සිටිනන ලදි.
සමස්ත ලංකා ශාසනාරක්ෂක මණ්ඩලයේ ගරු ලේඛකාධිකාරී පූජ්‍ය මුගුණුවෙල අනුරුද්ධ නායක ස්වාමීන් වහන්සේ මේ පිළිබඳ පවසා සිටියේ රටේ අද වන විටත් ආගමික හා සංස්කෘතික යන විෂයයන් එක්ව බුද්ධ ශාසන අමාත්‍යාංශය පවතින බවත්, ජනමාධ්‍ය මගින් වැරදි ලෙස ආචාර්ය හින්දුම සුනිල් සෙනෙවි මහතාගේ ප්‍රකාශය විකෘති කර ඇති බවත් ය.
වත්මන් රජයේ අමාත්‍ය මණ්ඩලය පත්කිරීමේදී ගැසට් පත්‍රයකින් බුද්ධ ශාසන ආගමික හා සංස්කෘතික කටයුතු ලෙස අමාත්‍යාංශයක්, කැබිනට් ඇමතිවරයෙක්, නියෝජ්‍ය ඇමතිවරයෙක් හා ලේකම්වරයෙක් පත්කර තිබේ. නව රජයේ ප්‍රතිපත්තිය වූයේ අමාත්‍යාංශ සංඛ්‍යාව අඩු කිරීම වන අතර ඒ අනුව අමාත්‍යාංශ විසි එකක් දක්වා අඩු කිරීම බව ත්, ඒ අනුව බුද්ධ ශාසන ආගමික හා සංස්කෘතික කටයුතු එක් අමාත්‍යාංශයක් යටතේ ඇති බව ත්, ඒ අනුව බෞද්ධ කටයුතු අමාත්‍යාංශය වෙනුවට බෞද්ධ කටයුතු දෙපාර්තමේන්තුව පවතින බව තවදුරටත් තහවුරු වේ.
අපගේ කරුණු විමර්ශන පිළිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok | Youtube
Conclusion (අවසාන නිගමනය) :
අපගේ විමර්ශනයෙන් පෙන්වා දෙන්නේ, බෞද්ධ ශාසන කටයුතු පිළිබඳ අමාත්‍යාංශය අහෝසි කළ බවට බුද්ධ ශාසන ආගමික හා සංස්කෘතික කටයුතු අමාත්‍යවරයා වන ආචාර්ය හිනිදුම සුනිල් සෙනෙවි මහතා ප්‍රකාශ කළ බවට දක්වමින් ඇතැම් ප්‍රධාන මාධ්‍ය ධාරා මෙන් ම සමාජ මාධ්‍ය ඔස්සේ පළවන සටහන් නොමග යන සුළු වන අතර අමාත්‍යවරයා පෙන්වා දෙන්නේ, නව රජයේ ප්‍රතිපත්තිය අනුව අමාත්‍යාංශ සංඛ්‍යාව විසි එකක් දක්වා අඩු කර ඇති බව ත්, ඒ අනුව බුද්ධ ශාසන ආගමික හා සංස්කෘතික කටයුතු එක් අමාත්‍යාංශයක් යටතේ බෞද්ධ කටයුතු දෙපාර්තමේන්තුව ක්‍රියාත්මක වන බවයි.
Title:බුද්ධ ශාසන කටයුතු අමාත්‍යාංශයක් මෙරට නැද්ද?
Fact Check By: Factcrescendo TeamResult: Misleading
