ජනපතිගේ අත්සනින් යුත් මුද්‍රණය වූ මුදල් නෝට්ටුව කුමක්ද?

දිනපතා සත්‍ය කරුණු දැන ගැනීමට අපගේ WhatsApp චැනලයටමෙතනින් එකතුවන්න.

පවතින ආණ්ඩුව යටතේ මුදල් මුද්‍රණය කොට බෙදා හැර ඇති බවට සමාජයේ වරින් වර කතා බහට ලක් වූ කාරණාවක්. ඒ සෑම අවස්ථාවකම සිදු වී තිබුණේ, මුදල් මුද්‍රණය කිරීමක් නොව මහ බැංකුවේ මුදල් සංචිතයෙන් මුදල් රටට මුදා හැරීම වේ. මේ අතර මෑතකදී ජනපති අත්සනින් යුත් සමරු මුදල් නෝට්ටුවක් මහ බැංකුව මගින් නිකුත් කිරීමත් ඒ ඔස්සේ නොමග යන සුළු සටහනක් සමාජ මාධ්‍ය ඔස්සේ හුවමාරු වූ අතර ඒ පිළිබඳව අප සිදු කළ කරුණු පරීක්ෂාවක් මේ.

සමාජ මාධ්‍ය සටහන් (Social Media Posts) :

“සල්ලි අච්චු ගහලා කිව්වම පුලුවන්නම් අනුර අත්සන් කරපු නෝට්ටුවක් පෙන්නපං කියල හිනත් වුනා අපිට” යනුවෙන් සඳහන් කරමින් සමාජ මාධ්‍ය ඔස්සේ ජනාධිපති අනුර කුමාර දිසානායකගේ අත්සනින් යුතු ඡායාරූපයක් දක්වමින් සටහනක් පළ වී තිබුණා.

Facebook | Archived Link

මීට පෙර මෑතකදී මුදල් මුද්‍රණය කර ඇති බව ත්, ඉන් උද්ධමනය ඇති වී ඇති බව ත්, සමාජයේ කතා බහට ලක් වූ කරුණක් වන අතර එලෙසින් මුදල් අච්චු ගැසූ බව සත්‍යයක් බව ත්, පවසමින් මෙම ඡායාරූප සටහනින් දැක්වෙන්නේ, ඒ අයුරින් මුද්‍රණය කළ බවට මින් හඟවා තිබුණා.

Fact Check (කරුණු විමර්ශනය කිරීම) :

ඉහත සමාජ මාධ්‍ය ඔස්සේ සංසරණය වන රු.2000 ක වටිනාකමින් යුත් මුදල් නෝට්ටුවේ ඡායාරූපය කුමක් ද යන්න පරීක්ෂා කිරීමේදී එම ඡායාරූපය

ශ්‍රී ලංකා මහ බැංකුව සිය 75 වන සංවත්සරය සැමරීම නිමිත්තෙන් ඊයේ(29) දින රුපියල් 2000 ක සංසරණය සඳහා යොදන සමරු මුදල් නෝට්ටුවක් නිකුත් කර ඇති බව දැක ගන්නට ලැබුණා.

ඒ පිළිබඳව මහ බැංකුව විසින් නිකුත් කරන ලද නිවේදනයේ දැක්වෙන්නේ, ජාතික සංවර්ධනය සඳහා පදනම ලෙස ආර්ථික ස්ථාවරත්වය වර්ධනය කිරීම වෙනුවෙන් මහ බැංකුවේ නොනවතින කැපවීම පිළිබිඹු කරමින්, මෙම මුදල් නෝට්ටුව “සමෘද්ධිය සඳහා ස්ථාවරත්වය” යන සංවත්සර තේමාවට අනුකූල ව ශ්‍රී ලංකා මහ බැංකුව විසින් නිකුත් කරන ලද 5 වන සමරු මුදල් නෝට්ටු බවයි.

මෙම නෝට්ටු මිලියන 50 ක සීමිත නිකුතුවක් වන අතර, ඊයේ දින සිට බලපත්‍රලාභී වාණිජ බැංකු හරහා ක්‍රමයෙන් මුදල් සංසරණයට නිකුත් කරනු බව ත්, මෙම මුදල් නෝට්ටුව ශ්‍රී ලංකාව තුළ ඔනෑම මුදල් ප්‍රමාණයක් ගෙවීම සඳහා වලංගු වන අතර මුදල් සංසරණයේ පවතින තාක් ශ්‍රී ලංකා මහ බැංකුවේ වගකීමක් බව ද එම නිවේදනයේ දක්වා තිබුණා. මෙම නොට්ටුව නිකුත්කළ දිනය 2025.08.28 වන දා සඳහන් කර තිබුණා. මෙම නෝට්ටුවේ ලක්ෂණ පිළිබඳ මහ බැංකුව විසින් එම නිවේදනයේ වැඩි දුරටත් සඳහන් කර තිබුණු අයුරු පහතින්.

මේ පිළිබඳ එම සම්පූර්ණ නිවේදනය මෙතනින්.

මෙම නිවේදනය අනුව ද, පැහැදිලිව දක්වා තිබුණේ, ඊයේ(29) දින සිට බලපත්‍රලාභී වාණිජ බැංකු හරහා ක්‍රමයෙන් මුදල් සංසරණයට එකතු වන බවයි. එ් අනුව වත්මන් ජනපති අනුර කුමාර දිසානායක මහතාගේ අත්සනින් යුතු මෙම නව නෝට්ටුව ඊයේ දින ට පෙර නිකුත් නොවූ බව තහවුරු වේ.

සමරු කාසි හා නෝට්ටු

විවිධ අවස්ථා සමරණු වස් 1957 සිට මේ දක්වා ශ්‍රී ලංකා මහ බැංකුව විසින් සමරු කාසි හා නෝට්ටු නිකුත් කර ඇත.

මෙම සමරු කාසි ආකාර දෙකකින් නිකුත් කර ඇත.

සංසරණය සඳහා යොදන සමරු කාසි
සංසරණය සඳහා නොයොදන සමරු කාසි

මේ පිළිබඳව වැඩිදුර තොරතුරු මෙතනින්.

මීට පෙර ශ්‍රී ලංකා මහ බැංකුව විසින් නිකුත් කර ඇති සමරු නෝට්ටු

ජනපති අත්සනින් යුත් නෝට්ටු

මීට සතියකට පමණ පෙර දකුණ සහ මධ්‍යම පළාත් හිටපු ආණ්ඩුකාර රජිත් කීර්ති තෙන්නකෝන් මහතා සිය ෆේස්බුක් පිටුවේ සඳහන් කර තිබුණේ, ජාත්‍යන්තර මූල්‍ය අරමුදල සමග වන එකඟතා කඩකරමින් 2024 ඔක්තෝබර් සිට 2025 ජුනි දක්වා ශ්‍රී ලංකා මහ බැංකුව විසින් රුපියල් බිලියන 1225.9 ක් හෙවත් රු. ට්‍රිලියන 1.2 ක් මුදල් අච්චු ගසා ඇති බවයි. මෙම සටහන මගින් සමාජයේ බොහෝ පිරිසක් නොමග ගොස් තිබුණේ මහ බැංකුව මුදල් අච්චු ගැසූ බවයි. මෙහිදි මුදල් මුද්‍රණය ලෙස අර්ථකථනය කර ඇත්තේ, පුළුල් මුදල් සැපයුමේ පුළුල්වීම (money printing – Broad money (M2b) පිළිබඳ මිස යන්ත්‍රයක් අනුසාරයෙන් මුදල් මුද්‍රණය කිරීමක් නොවේ. නමුත් එම සටහන හේතුවෙන් මහ බැංකුව විසින් මුදල් මුද්‍රණය කිරීම සිදු කළ බවට ඇතැම් පිරිස සමාජ මාධ්‍ය තුළ ප්‍රතිචාර දක්වද්දී තව ත් පිරිසක් ප්‍රකාශ කළේ , එලෙසින් මුදල් මුද්‍රණය කළා නම්, ජනපතිගේ අත්සනින්න යුත් මුදල් නෝට්ටු පෙන්වන ලෙසයි. එම සටහනකට පළ කර තිබූ එවැනි ෆේස්බුක් කමෙන්ටුවක් පහතින්.

මේ පිළිබඳ අප සිදු කළ කරුණු පැහැලි කිරීම පහතින්.

ආණ්ඩුව රු.ට්‍රිලියන 1.22ක මුදල් මුද්‍රණය කරලද?

Also Read : වත්මන් ආණ්ඩුව පත් වීමෙන් පසු මහ බැංකුව විසින් මුද්‍රණය කළ නව මුදල් නෝට්ටු?

සමාජ ජාලා හරහා සංසරණය වන ජනපති අනුරගේ රුව රැගත් රුපියල් 5000 නෝට්ටුවක්?

මහ බැංකුවේ මුදල් අච්චු කිරීම යනු සල්ලි අච්චු ගැසීමේ මැෂිමක් ආධාරයෙන් මුදල් නෝට්ටු මුද්‍රණය කිරීමක්ද?

මහ බැංකුව රුපියල් බිලියන 100 ක මුදල් ප්‍රමාණයක් මුද්‍රණය කරා ද?

ශ්‍රී ලංකාව තුළ රුපියල් 2000, 1500, 1000, 500 කාසි සාමාන්‍ය භාවිතයේ පවතිනවාද?

සැමරුම් කාසි/නෝට්ටු මුද්‍රණය උද්ධමනයට බලපානවද?

ශ්‍රී ලංකා මහ බැංකුව රු.2000 වටිනාකමින් යුත් රුපියල් මිලියන 50 ක සමරු නෝට්ටු නිකුත් කර ඇති අතර ශ්‍රී ලංකාවේ මුළු මුදල් සැපයුම සම්බන්ධයෙන් ගත් කල, මෙය සාපේක්ෂව කුඩා මුදලක් වන අතර සමස්ත මුදල් සැපයුම සැලකිය යුතු ලෙස වැඩි වීමක් නොවන බැවින් උද්ධමන තත්ත්වයක් ඇති නොවන බව ත්, අප කළ විමසීමේදී ආර්ථික විද්‍යා මහාචාර්ය සිරිමල් අබේරත්න මහතා සඳහන් කළා.

එමෙන් ම බලපත්‍රලාභී වාණිජ බැංකු හරහා මුදල් නෝට්ටු ක්‍රමයෙන් සංසරණයට නිකුත් කරනු ලැබේ. මෙම පාලිත බෙදාහැරීම මූල්‍ය ප්‍රමාණයේ හදිසි වැඩිවීමක් ඇතිවීම, එමඟින් මිලස්ථායීතාවයට හේතු වීම වැළැක්වීමට උපකාරී වනවා.

කෙසේ වෙතත්, මෙම නෝට්ටුව නිකුත් කරනු ලබන්නේ ශ්‍රී ලංකා මහ බැංකුවේ 75 වන සංවත්සර සැමරුමේ කොටසක් ලෙස වන අතර ආර්ථික අවශ්‍යතා සපුරාලීමට හෝ උද්ධමනයට බලපාන ආකාරයෙන් මුදල් සැපයුම වැඩි කිරීමට අදහස් නොකෙරේ.

ශ්‍රී ලංකා මහ බැංකුව අලුතින් මුදල් නෝට්ටු මුද්‍රණය කිරීම කළ යුතු අවස්ථා

ශ්‍රී ලංකා මහ බැංකුව විසින් සාධක දෙකක් මත අලුතින් මුදල් නෝට්ටු මුද්‍රණය කිරීම සිදුකළ යුතු වේ. ඉන් එකක් වන්නේ පරිහරණය කිරීමේදී දුර්වරණ වූ සහ අපැහැදිලි බවට පත්වූ මුදල් නෝට්ටු වෙනුවට අලුතින් මුද්‍රණය කිරීම සහ රටේ ආර්ථික සංවර්ධනයට සමානුපාතිකව නෝට්ටු මුද්‍රණය කිරීමයි. රටේ නිෂ්පාදනය වැඩිවී ආර්ථිකය ශක්තිමත් වනවිට ජනතාවට මුදල් අවශ්‍ය වන්නේ එම නිෂ්පාදන මිලදී ගැනීම සඳහාය. එවැනි තත්ත්වයකදී රටේ සංවර්ධනය අනුව අලුතින් මුදල් නෝට්ටු මුද්‍රණය කිරීම සිදුවේ. එය නිවැරදි ඇස්තමේන්තුවක් සහ විද්‍යාත්මක පදනමක් මත සිදුකරන මුදල් නෝට්ටු මුද්‍රණය කිරීමකි. මේ පිළිබඳ වැඩිදුර තොරතුරු මෙතනින් සහ මෙතනින්.

නව මහ බැංකු පනතින් මුදල් මුද්‍රණයට සීමා

ජාත්‍යන්තර මූල්‍ය අරමුදල විසින් මහබැංකුව නිර්දේශපාලනිකරණය කර ස්වාධීනත්වය ස්ථාපිත කරන ලෙස ත් රටේ උද්ධමනයට හේතු වූ මුදල් මුද්‍රණය නතර කිරීමට හැකි නව මහ බැංකු පනත ක්‍රියාත්මක කරන ලෙසත් පැනවූ කොන්දේසිය මත නව මහ බැංකු පනත සම්මත වීම මඟින් මුදල් මුද්‍රණය කිරීම සඳහා ඉල්ලීම් කිරීමට රජයට ඇති අවස්ථා දැඩි ව සීමා වූ අතර ඉන් මහ බැංකුව තවදුරටත් ස්වාධීන කිරීමට පියවර ගෙන තිබුණා.

රට තුළ පවතින විශේෂ ආරක්ෂක ගැටලුවක දී සහ ලෝක මට්ටමේ සෞඛ්‍ය ගැටලුවක දී පමණක් මුදල් මුද්‍රණය කිරීමට අවස්ථාව හිමි වන අතර එසේ මුදල් මුද්‍රණය කළ හැකි වන්නේ ද නිකුත් කර ඇති භාණ්ඩාරගාර බිල්පත් වටිනාකමෙන් 5%ක වටිනාකම නොඉක්මවන මුදලක් පමණක් වේ. මේ සම්බන්ධයෙන් හිටපු රාජ්‍ය අමාත්‍ය රංජිත් සියඹලාපිටිය විසින් සිදු කළ පැහැදිලි කිරීමක් මෙතනින්.