ජනාධිපති වික්‍රමසිංහගේ රුව සහිත බැනරයක් මෑතකදී විනාශ කරන අවස්ථාවක වීඩියෝවක් ද?

ශ්‍රී ලංකාවේ ජනාධිපතිවරණය ආසන්න වන විට මැතිවරණ නීති උල්ලංඝණය කිරීම් පිළිබඳ වාර්තා මතුව තිබේ. කෙසේ වෙතත්, ඇතැම් පැරණි සිදුවීම් වර්තමාන මැතිවරණ නීති උල්ලංඝණය කිරීම් ලෙස ඉදිරිපත් කරමින් ජනතාව නොමඟ යවමින් සමාජ මාධ්‍ය ඔස්සේ යළි හුවමාරු වෙමින් පවතී.

සමාජ මාධ්‍ය පළ කිරීම්

කිසියම් පිරිසක් විසින් මහ දවල් රනිල් වික්‍රමසිංහ ජනාධිපතිවරයාගේ රුව සහිත බැනරයක් විනාශ කරන අයුරු දැක්වෙන වීඩියෝවක් සමාජ මාධ්‍ය ඔස්සේ සංසරණය වේ. බොහෝ පරිශීලකයින් පවසන්නේ මෙය එළඹෙන ජනාධිපතිවරණයට අදාළ මෑත කාලින සිදුවීමක් බවයි.

දේශීය සත්‍යාපනය:

සිද්ධිය වූ ස්ථානය සහ දිනය පැහැදිලි කර ගැනීම සඳහා අපි ප්‍රදේශයේ ප්‍රාදේශීය මාධ්‍යවේදීන් වෙත සම්බන්ධ වුණා

කේ කොටගල, වලස්මුල්ලේ පළාත් පුවත්පත් වාර්තාකරුවෙකු තහවුරු කළේ, ජනාධිපති වික්‍රමසිංහගේ බැනරයක් විනාශ කිරීම සම්බන්ධ කිසිදු සිදුවීමක් ප්‍රදේශයේ මෑතදී සිදු නොවූ බවයි. මෙය පැරණි සිදුවීමක් විය හැකි බව ඔහු යෝජනා කළේය.

ජී ගුණරත්න, වලස්මුල්ල ප්‍රදේශයේ මාධ්‍යවේදියෙකු සහ රූපවාහිනි වාර්තාකරුවෙකු එම ස්ථානය ඔරලෝසු කණුව අසල තංගල්ල බස් නැවතුම ලෙස හඳුනාගත්තා .මෑතකදී එවැනි සිදුවීමක් වාර්තා වී නොමැති බව තහවුරු කළ ඔහු 2022 "අරගලය" විරෝධතාවයේදී ද මේ ආකාරයේ ක්‍රියා සිදු වූ බව සඳහන් කළේය.

ඩබ්ලිව් ජී චන්ද්‍රසේන, තංගල්ල ප්‍රදේශයේ රූපවාහිනී මාධ්‍යවේදියෙකු මෙම තොරතුරු සනාථ කළ අතර, මෙම වීඩියෝවෙන් බොහෝ දුරට නිරූපණය වන්නේ 2022 සිට විරෝධතා උග්‍ර වූ අවස්ථාවේදී විරෝධතාකරුවන් දේශපාලනඥයන්ගේ බැනර් සහ දැන්වීම් පුවරු ඉවත් කළ සිදුවීමක් බවයි.

එස් .පී . ඇඩ්වින්තංගල්ල ප්‍රදේශයේ පුවත්පත් වාර්තාකරුවෙකු ද කියා සිටියේ එවැනි මෑත කාලීන සිදුවීම් එහි සිදු නොවූ බවයි.

Google Maps

සමාජ මාධ්‍ය ඔස්සේ හුවමාරු වූ වීඩියෝවේ පසුබිම, තංගල්ල බස් ඩිපෝවේ දර්ශන සමඟ සංසන්දනය කිරීමේ දී ද එහි දක්නට ලැබෙන ඔරලෝසු කණුව සහ ඒ ආශ්‍රිතව තිබෙන ගොඩනැගිල්ල ද ඒ ආකාරයෙන්ම Google Maps හි දැක ගන්නට ලැබෙන බව ද අපට අනාවරණය වුයේ මෙලෙසින්. Google Maps හි එම ස්ථානය

මෙතනින්.

පසුබිම :

2022 දී එවකට ජනාධිපති ගෝඨාභය රාජපක්ෂ මහතාට ඉල්ලා අස්විය යුතු යැයි කියූ "අරගලය" විරෝධතා අතරතුර, රනිල් වික්‍රමසිංහ මහතා අගමැති ලෙස පත් කරන ලද අතර පසුව ගෝඨාභයගේ ඉල්ලා අස්වීමෙන් පසු වැඩ බලන ජනාධිපතිවරයා බවට පත්විය. එම අවස්ථාවේදී වික්‍රමසිංහගේ නව තනතුර සැමරීම සඳහා ඔහුගේ ආධාරකරුවන් විසින් බැනර් සහ කටවුට් සවිකර තිබූ නමුත් ඇතැම් ප්‍රදේශවල විරෝධතාකරුවන් විසින් මේවායින් සමහරක් විනාශ කිරීමට කටයුතු කර තිබුණා .

වීඩියෝ විශ්ලේෂණය:

මෙම අපැහැදිලි වීඩියෝව ජංගම දුරකථනයකින් පටිගත කර ඇති බව පෙනේ, දැන්වීම් පුවරුවේ නොපැහැදිලි අකුරු ආදිය මගින් ඒ පිලිබදව උපකල්පනය කල හැක .