ව්‍යාජ මාර්ගගත රැකියා වලට හසුවන්නට පෙර දැනුවත් වෙන්න!

දිනපතා සත්‍ය කරුණු දැන ගැනීමට අපගේ WhatsApp චැනලයට මෙතනින් එකතුවන්න.

වර්තමාන ඩිජිටල් ලෝකයේ, නිදහස් හා ඔන්ලයින් රැකියා අවස්ථා වෙත ඉතා ඉක්මනින් ප්‍රවේශ විය හැකිය. මේ නිසාම පහසු ලෙසින් සිදු කිරීමට ඇති ඔන්ලයින් රැකියා අවස්ථා ලෙසට දක්වමින් වැඩි ආදායමක් ලබා දෙන බවට පොරොන්දු වෙමින් දක්වා ඇති රැකියා අවස්ථා සබැඳි වෙත බොහෝ පිරිස් ඇදී යනවා. ශ්‍රී ලංකාවේ සහ ලොව පුරා බොහෝ දෙනෙක් ව්‍යාජ මාර්ගගත රැකියා වංචාවල නව රැල්ලකට ගොදුරු වී ඇත. අවන්හල් සමාලෝචනය කිරීම හෝ ව්‍යාපාර ශ්‍රේණිගත කිරීම වැනි කුඩා මාර්ගගත කාර්යයන් සම්පූර්ණ කිරීමෙන් ඔබට පහසුවෙන් මුදල් උපයා ගත හැකි බව පවසමින් මෙම වංචා බොහෝ විට සමාජ මාධ්‍යවල හෝ පණිවිඩ වේදිකාවල(messaging platforms) දිස්වේ.

මුලින්ම බැලූ බැල්මට එය සැබෑ අවස්ථාවක් ලෙස පෙනේ. නමුත් මෙහි පිටුපස ඇත්තේ ඔබේ මුදල් සොරකම් කිරීම සඳහා නිර්මාණය කර ඇති ප්‍රවේශමෙන් සැලසුම් කරන ලද පොන්සි විලාසිතාවේ වංචාවකි.

මෙම වංචාවන් ක්‍රම එකින් එකට වෙනස් වූ වූවත්, මෙහි රටාව බොහෝ විට සමාන වනවා. ඔවුන් පළමුව ඔබේ විශ්වාසය දිනා ගනිමින් පළමුව ආදායමක් ලබා දෙන අතර, පසුව රැකියාවේ නියැලෙන පුද්ගලයන්ගෙන් එම වේදිකාවන් වලට මුදල් ගෙවීමට පොළඹනු ලබන්නේ, එම රැකියා අවස්ථා ලබා දීම හේතුවෙන් අය කරන ගාස්තුවක් ලෙසයි.

ශ්‍රී ලංකාව ඇතුළුව ලොව පුරා වාර්තා වන වඩාත් පොදු රැකියා වංචා අනුගමනය කරන ක්‍රියාවලියයේ සමානතා පවතී.

1. පහසු ඔන්ලයින් රැකියා

වංචනික වෙබ් අඩවි හෝ ටෙලිග්‍රාම් කණ්ඩායම් හරහා මේ පිළිබඳ විස්තර බෙදා ගන්නා අතර නිෂ්පාදන/භාණ්ඩ සමාලෝචනය කිරීම( reviewing), “YouTube වීඩියෝ වලට Like, comment කිරීම, වෙබ් අඩවි වලට පිවිසීම, Adds බැලීම, වැනි රැකියා ප්‍රවර්ධනය කරයි. බොහෝ විට ආරම්භ වන්නේ freelancecreativity.com වැනි වේදිකාවකට හෝ ඒ හා සමාන වෙබ් අඩවිවලට සම්බන්ධ වීමට ඔබට ආරාධනා කරමින්, Facebook, Instagram හෝ Telegram හි පණිවිඩයක් හෝ රැකියා දැන්වීමකින් ය. 

උදා:

“නිවසේ සිට වැඩ කරන දවසට රුපියල් 5000ක් උපයන්න!”

“Reviews ලියන්න සහ ක්ෂණික ගෙවීම් ලබා ගන්න.”

මෙම පණිවිඩ සැලසුම් කර ඇත්තේ රැකියා සොයන්නන්, සිසුන් සහ අමතර ආදායමක් අපේක්ෂා කරන ගෘහණියන් ආකර්ෂණය කර ගැනීම සඳහා ය.

මෙම වංචාවන් සිදු කරන ආකාරය පියවරයන් කිහිපයක් යටතේ සිදු කරන පැහැදිලි කිරීම.

ඔබේ විශ්වාසය දිනා ගැනීම

වංචාකරුවන් මුලින්ම ඔබට කුඩා, සරල කාර්යයක් ලබා දෙයි. සමාලෝචනය කිරීම හෝ ශ්‍රේණිගත කිරීම වැනි කාර්යයන්.

උදාහරණයක් ලෙස:

“කොළඹ අවන්හල් තුනක් ශ්‍රේණිගත කර රු. 500ක් උපයන්න.”

ඔබ එම කාර්යයන් අවසන් කළ පසු, ඔවුන් ඔබේ බැංකු ගිණුමට හෝ ඩිජිටල් මුදල් පසුම්බියට(digital wallet) කුඩා මුදලක් තැන්පත් කරනු ලබයි.

ටෙලිග්‍රෑම් කණ්ඩායම්

පසුව ඔබව සංවිධානාත්මකව පෙනෙන ටෙලිග්‍රෑම් කණ්ඩායමකට එකතු කරනු ලබන අතර පුද්ගලයින්ට සිදු කරන ලද ව්‍යාජ ගෙවීම් සාක්ෂි ( proof of payment) තිරපිටපත් (screenshots) පළ කර මෙම රැකියාවල යෙදීමට දිරිමත් කරයි.

මෙම කණ්ඩායම් වලදී කණ්ඩායම් පරිපාලකයින්(admins) වෘත්තීයමය වශයෙන් හැසිරෙන අතර රැකියාවල යෙදෙන අයගේ ගැටලු වලට  පිළිතුරු දෙමින් සහ ස්වයංක්‍රීය කාර්යයන්(automated tasks) පවා යවනු ලබයි.

තැන්පතු ඉල්ලීම

ඔවුන්ගේ වංචාවේ ඊළඟ කොටස වන්නේ ඔබ සිදු කර උපයා ගත් කාර්යයන් වල වැටුප ලබා ගැනීමට සිදු කළ යුතු බව ඔවුන් දන්වන මුදල් තැන්පතුවයි.

“ඔබේ ඊළඟ වැටුප ලබා ගැනීමට, කරුණාකර අපගේ බැංකු ගිණුමට යම් මුදලක් තැන්පත් කරන්න.”

උදා: 

ඔබට රු. 5,200ක් ලැබෙන බවට පොරොන්දු වෙමින් ඔබට රු. 3,500ක් තැන්පත් කරන ලෙස ඔවුන් ඔබෙන් ඉල්ලා සිටිය හැකිය. පළමු වාර කිහිපයකදී ඔවුන් ඔබට මුදල් තැන්පත් කරනු ලබයි. මේ හේතුවෙන් මෙම රැකියාවෙන් ලාභයක් ලැබෙන බව ඔබ විශ්වාස කිරීමට පෙළඹෙයි. මෙම අදියරේදී, ඔබ එය අව්‍යාජ ව්‍යාපාරයක් බව විශ්වාස කරයි.

ලෙවල් අප් කිරීම

ඉන්පසු ඔවුන් “Level” හෝ “Task” හඳුන්වා දෙන අතර එමඟින් ඔබට සෑම අවස්ථාවකම ඉහළ මුදල් තැන්පත් කිරීමට අවශ්‍ය වේ.  රු. 5,000, රු. 10,000, රු. 25,000 වැනි ඉහළ ප්‍රතිලාභ ලබා දෙන බවට හඟවනු ලබයි.

මෙමගින් ඔබ මුදල් උපයන බව ඔබ සිතන නමුත් සත්‍ය වශයෙන්ම සිදුවන්නේ ඔවුන් ඔබේ තැන්පතුව භාවිතා කරන්න පොන්සි යෝජනා ක්‍රමයක මෙන් අන් අයට ගෙවීමටයි. අවසානයේදී, නව තැන්පතු කිරීම ඔවුන් විසින් සිදු කිරීම නැවැත්වූ විට, පරිපාලකයින් අතුරුදහන් වේ. ටෙලිග්‍රාම් කණ්ඩායම මකා දමා සෑම කෙනෙකුගේම මුදල් සමඟ අතුරුදහන් වේ.

මෙම වංචාව සම්බන්ධයෙන් පැහැදිලි කරන සමාජ මාධ්‍ය පරිශීලකයෙකුගේ හෙළිදරව්වක් පහතින්.

ව්‍යාජ රැකියා වෙබ් අඩවි හඳුනා ගන්නේ කෙසේද?

FBI හි අන්තර්ජාල අපරාධ පැමිණිලි මධ්‍යස්ථානය (IC3) සහ Europol හි සයිබර් අපරාධ මධ්‍යස්ථානයට අනුව, මෙම වංචාවන් කලින් හඳුනා ගැනීමට ඔබට උපකාර වන හඳුනා ගැනීමේ අවස්ථාවන් පෙන්වා දෙයි.

වංචාකරුවන් රැකියාව ලබා දීමට පෙර මුදල් හෝ තැන්පතු ඉල්ලනු ලබයි

කිසිදු නීත්‍යානුකූල සේවා යෝජකයෙකු කිසි විටෙකත් ඔබෙන් පළමුව ගෙවීමට ඉල්ලා නොසිටිනු ඇත.

සත්‍යාපනය නොකළ වෙබ් අඩවි වසම්(domains)

වංචාකරුවන් බොහෝ විට ලාභ, අලුතින් ලියාපදිංචි වූ වසම් භාවිතා කරයි. මේවා විශ්වාස කළ හැකි වෙබ්අඩවි ද යන්න ඔබට එවැනි URL whois.com හෝ  ScamDetector.com හෝ Gridinsoft URL ස්කෑනරය මගින් පරීක්ෂා කළ හැක.

උදා:

මෙම ඡායාරූපයේ සඳහන් වෙබ්අඩවි විශ්වාසය කළ නොහැකි බවට අප කළ  ස්කෑන් පරීක්ෂාවේදී තහවුරු වී තිබුණේ මේ අයුරින්.

scam-detector.com

gridinsoft.com

නිල සමාගම් පිළිබඳ තොරතුරු

ලියාපදිංචි සමාගම් ලිපින, ඊමේල් හැඳුනුම්පත් සහ LinkedIn පිටු සොයන්න.  Telegram හෝ WhatsApp හරහා පමණක් සන්නිවේදනය කිරීම පමණක් සිදු කරනවා නම්, එහි අවදානමක් පවතී. වංචාකරුවන් නොවන සේවා යෝජකයින් ව්‍යාපාරික ඊමේල් හෝ රැකියා වේදිකා (LinkedIn, Fiverr, හෝ Upwork වැනි) භාවිතා කරනු ලබයි.

අවම වැඩ සඳහා ඉහළ වැටුප් පොරොන්දු

“සමාලෝචන ලිවීමෙන් දිනකට ඩොලර් 100ක් උපයන්න” වැනි සැමවිටම සැක සහිත වාක්‍ය කණ්ඩ භාවිතය. 

මේ සම්බන්ධයෙන් වැඩිදුර තොරතුරු මෙතනින්, මෙතනින්, මෙතනින් සහ මෙතනින්.

ගෝලීය සහ දේශීය වශයෙන් මෙම වංචා පිළිබඳ අනතුරු ඇඟවීම්

අමෙරිකාවේ Better Business Bureau (BBB) ​​සහ Europol යන දෙකම ව්‍යාජ ත්‍යාග උපයා ගැනීම සඳහා තැන්පතු ගෙවීමට වින්දිතයින් රවටා ඇති “Task පදනම් කරගත් රැකියා වංචා” ගැන අනතුරු අඟවා ඇත.

ශ්‍රී ලංකාව තුළ, SLCERT (ශ්‍රී ලංකා පරිගණක හදිසි ප්‍රතිචාර කණ්ඩායම) සහ CID හි සයිබර් අපරාධ විමර්ශන අංශයට, විශේෂයෙන්ම මාර්ගගත රැකියා සම්බන්ධව සමාන පැමිණිලි ලැබී ඇත.

SLCERT ට අනුව, එවැනි වංචාවන් බොහෝ විට ශ්‍රී ලංකාවෙන් පිටත සත්කාරකත්වය දරන තාවකාලික වෙබ් අඩවි භාවිතා කරන අතර, වෙබ් අඩවිය ඉවත් කළ පසු අයිතිකරුවන් සොයා ගැනීම අපහසු වන බව ඔවුන් පෙන්වා දෙනවා.

ආරක්ෂිතව සිටින්නේ කෙසේද?

• ඔබ ඕනෑම නිදහස් රැකියා වේදිකාවක සඳහා ලියාපදිංචි වීමට පෙර ඉහත සඳහන් කළ මෙවලම් භාවිතයෙන් වසම් සහ විශ්වාස ශ්‍රේණිගත කිරීම පරීක්ෂා කරන්න.
• ඔබට ඔබට හමුවන ඔන්ලයින් රැකියා අවස්ථා සම්බන්ධ පරිශීලකයන් සැබෑ අත්දැකීම් බෙදාගන්නා Reddit, Facebook කණ්ඩායම් හෝ සංසද හරහා මේවා වංචාවන් බවට වෙනත් පරිශීලකයින් හඳුනා ගෙන ඇත්දැයි පරීක්ෂා කර බැලීමට හැකියි.
• මෙවැනි අවස්ථාවන් සඳහා මුදල් යැවීමෙන් හෝ පුද්ගලික ලිපි ලේඛන හුවමාරු කිරීමෙන් වළකින්න.
• නීත්‍යානුකූල රැකියා සඳහා බඳවා ගැනීමට පෙර හැඳුනුම්පත් හෝ තැන්පතු අවශ්‍ය නොවන බව සිහි තබා ගන්න.
• සැක සහිත පිටු අදාළ ආයතන හා වේදිකාවන් වලට වාර්තා කරන්න

SLCERT වෙත: https://www.cert.gov.lk

දැන්වීම දිස් වූවා නම් එම වේදිකාවන්ට Facebook/Instagram වෙත.

භාවිතා කරන ලද තිරපිටපත්(screenshots) සහ බැංකු විස්තර සහිත ප්‍රාදේශීය පොලිසියට (සයිබර් අපරාධ අංශය)

Online රැකියා ලෝකය සැබෑ අවස්ථා ඇතත්, ව්‍යාජ රැකියා අවස්ථාවන් පෙන්වමින් මුදල් වංචාවන් සිදු කරන අවස්ථාවන් ද, ඇත. බොහෝ අය මූල්‍යමය වශයෙන් දුෂ්කරතාවන්ට මුහුණ දෙන බව වංචාකරුවන් දන්නා අතර, ඔවුන් වින්දිතයින් රවටා මුදල් යැවීමට මනෝවිද්‍යාත්මක උපක්‍රම භාවිතා කරයි(මුලින්ම ප්‍රතිලාභ ඔබට ලබා දෙන නිසා).

සෑම විටම මතක තබා ගන්න, ඇදැහිය නොහැකි ප්‍රතිලාභ නම්, එය සත්‍ය නොවීමට බොහෝ ඉඩකඩ පවතී.

ඕනෑම සබැඳි වේදිකාවක් විශ්වාස කිරීමට පෙර, එය සත්‍යාපනය කරන්න, එය පර්යේෂණ කරන්න, සහ ගෙවීම් කළ යුතු බවට සඳහන් කරන කිසිදු ගෙවීමක් සිදු නොකරන්න. ඔබේ දැනුවත්භාවය ඔබේ හොඳම ආරක්ෂාවයි.!

Also Read : සමාජයේ ජනප්‍රිය පුද්ගලයන් ලෙස පෙනී සිටිමින් ප්‍රවර්ධනය කෙරෙන ව්‍යාජ අයෝජන ක්‍රමවලට නොරැවටෙන්න!

Job Scam සම්බන්ධ Factcrescendo අප SLCert සමගින් සමාජය දැනුවත් කරමින් සිදු කළ වීඩියෝවක් පහතින්. 

අපගේ කරුණු විමර්ශන පිළිබඳ තොරතුරු දැන ගැනීමට එක්වන්න

Facebook | Twitter | Instagram | Google News | TikTok | Youtube