බෙන්ජමින් නෙතන්යාහු කොරිඩෝව හරහා දිව යන වීඩියෝව මෑතදී ඊශ්‍රායලයට එල්ල වූ ඉරාන මිසයිල ප්‍රහාරයට සම්බන්ධ නොවේ.
දිනපතා සත්‍ය කරුණු දැන ගැනීමට අපගේ WhatsApp චැනලයටමෙතනින් එකතුවන්න.
මැද පෙරදිග කලාපයේ මේ වන විට පවතින අවිනිශ්චිත වාතාවරණය ,ලොවට ප්‍රවෘත්ති මවන සාධකයක් බවට පත්ව තිබෙනවා . ඊශ්‍රායලය සහ ඉරානය අතර පවතින ගැටුම්කාරී තත්ත්වය පදනම් කරගනිමින් බොහෝ නොමගයවන සුළු සටහන් සමාජ ජාලාවල පැතිරෙනවා .
Social Media Posts
ඉරානය 2024 ඔක්තෝබර් 2 වැනි දින ඊශ්‍රායලයට මහා පරිමාණ ප්‍රහාරයක් දියත් කළේය. ඊශ්‍රායල හමුදාවට අනුව ඉරානය ඊශ්‍රායලය දෙසට මිසයිල 180ක් පමණ දියත් කළේය. මෙම පසුබිම මත, ඊශ්‍රායල අගමැති බෙන්ජමින් නෙතන්යාහු බංකරයක් තුළ සැඟවීමට දිව යන බව කියන වීඩියෝවක් සමාජ මාධ්‍යවල ප්‍රචලිත විය
මේ පිලිබදව කරුණු විමසා බැලීමක් සිදු කිරීමට අප තීරණය කළා.
කරුණු පරීක්ෂා කිරීම( Fact Check )
අපි අපේ සෙවීම ආරම්භ කළේ සමාජ ජාලාවල බහුලව පැතිරෙන වීඩියෝව Reverse Image Search ලක් කිරීමෙනි . එමගින් 2024 අගෝස්තු 26 වන දින පළකරන ලද ට්විටර් පණිවිඩයක් සොයා ගැනීමට අපට හැකිවුණා.ට්වීට් එක සමඟ පළ කරන ලද වීඩියෝව සමාජ ජාලාවල බහුල වීඩියෝව ට සමාන වුවත් එය පැති මාරු කරන ලද (Flipping) බවට සොයා ගැනීමට අපට හැකි වුණා.
کله چی د حماس او حزب الله راکټونه را فیر شی نو غټ کافر او یهود بنیامین نیتانیاهو داسی منډی وهی او ځان تاکاویو ته رسوي الله پاک دا یهودان ختم کړی pic.twitter.com/GqaUmf5G92
— د روسیې او امریکا خبرونه (@Haq_media786) August 26, 2024
ඉරානය ඊශ්‍රායලයට පහර දුන්නේ ඔක්තෝබර් 2 වැනිදා, නමුත් මෙම වීඩියෝව උඩුගත කර තිබුනේ අගෝස්තු 26 වැනිදාය. මෙම වයිරල් වීඩියෝව ඉරානය විසින් ඊශ්‍රායලයට එල්ල කළ ප්‍රහාරයට සම්බන්ධ නොවන බව මෙයින් පැහැදිලි වේ.
තවදුරටත් පරික්ෂා කල අපට 2021 දෙසැම්බර් 14 දින උඩුගත කරන ලද එම වෛරල් වීඩියෝව සහිත ෆේස්බුක් සටහනක් හමු විය . වීඩියෝවේ ශීර්ෂ පාඨය වන්නේ, "නරඹන්න: නෙතන්යාහු ඡන්දය ප්‍රකාශ කිරීමට Knesset කොරිඩෝව හරහා දිව යයි. "
තවද, බෙන්ජමින් නෙතන්යාහුගේ නිල Instagram හසුරුවෙහි එම වීඩියෝවම අපට හමු විය. වීඩියෝව 2021 දෙසැම්බර් 14 වැනි දින පළ කරන ලද්දේ "ඔබ වෙනුවෙන් දිවීම ගැන මම සැමවිටම ආඩම්බර වෙමි. 🇮🇱💪🏻 පැය භාගයකට පෙර Knesset හිදී "
אני תמיד גאה לרוץ בשבילכם. 🇮🇱💪🏻
— Benjamin Netanyahu - בנימין נתניהו (@netanyahu) December 13, 2021
צולם לפני חצי שעה בכנסת pic.twitter.com/Tk386NOKU5
බෙන්ජමින් නෙතන්යාහු සිය කාර්යාලයේ සිට Knesset (ඊශ්‍රායලයේ ඒකමණ්ඩල පාර්ලිමේන්තුව) වෙත කොරිඩෝව හරහා දිව ගියේ කිසියම් කරුණක් පිලිබදව එහි පැවති ඡන්ද විමසීමකට සහභාගී වීමටය .
මේ අනුව, වෛරල් වීඩියෝව 2021 සිට පැතිරෙන එකක් බවත් බවත්, එය ඉරානය විසින් ඊශ්‍රායලයට එල්ල කළ ප්‍රහාරයට කිසිදු සම්බන්ධයක් නොමැති බවත් පැහැදිලිය.
අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok
නිගමනය
අපගේ විමර්ශනයෙන් අපට කිව හැක්කේ සමාජ ජාලාවල බහුලව පැතිරෙන .වීඩියෝව සමග සම්බන්ධ ප්‍රචාරයන් සාවද්‍ය බවයි.මෙය ඉරාන මිසයිලවලින් ආරක්ෂාවීමට ඊශ්‍රායල අගමැති නෙතනියාහු බංකරයකට දිව ගිය අවස්ථාවක් නොවේ . ඊශ්‍රායල පාර්ලිමේන්තුවේ ඡන්ද විමසීමක් සිදුවන අවස්ථාවක නියමිත වෙලාවට එයට සහභාගී වීමට පාර්ලිම්න්තු කොරිඩෝව හරහා ඔහු දිවගිය අවස්ථාවකි .
