2026 தமிழக சட்டமன்றத் தேர்தல்: புதிய ஆட்சி மாற்றமும் பரப்பப்பட்ட போலிச் செய்திகளும் – ஓர் ஆய்வு

தமிழக அரசியல் வரலாற்றில் 2026 சட்டமன்றத் தேர்தல் ஒரு மிகப்பெரிய மாற்றத்தை ஏற்படுத்தியுள்ளது. சுமார் 59 ஆண்டுகளாக திமுக மற்றும் அதிமுக ஆகிய இரு துருவங்களுக்கு இடையே இருந்த அரசியல் அதிகாரத்தை உடைத்து, ஒரு புதிய கட்சி ஆட்சியில் அமர்ந்துள்ளது. இந்தத் தேர்தல் காலம் முழுவதும் சமூக ஊடகங்களில் திட்டமிட்டு பரப்பப்பட்ட போலிச் செய்திகளும், அவற்றின் உண்மைத்தன்மையும் குறித்த தெளிவுபடுத்தல் பின்வருமாறு 

தேர்தல் முடிவுகளும் புதிய ஆட்சியும்

2026 ஏப்ரல் 23 அன்று நடைபெற்ற தேர்தலில், தமிழக வரலாற்றிலேயே இல்லாத அளவாக 85.1% வாக்குகள் பதிவாகின. மே மாதம் வெளியான தேர்தல் முடிவுகளில், நடிகர் விஜய் தலைமையிலான தமிழக வெற்றிக் கழகம் (TVK) 108 இடங்களைக் கைப்பற்றி தனிப்பெரும் கட்சியாக உருவெடுத்தது. 

234 உறுப்பினர்களைக் கொண்ட சட்டப்பேரவையில் பெரும்பான்மைக்கு 118 இடங்கள் தேவை என்ற நிலையில், TVK கட்சிக்கு காங்கிரஸ் (5 இடங்கள்), சிபிஐ, சிபிஎம், விசிக மற்றும் இந்திய யூனியன் முஸ்லிம் லீக் (தலா 2 இடங்கள்) ஆகிய கட்சிகள் ஆதரவு அளித்தன. 

இதன் மூலம் 120 எம்.எல்.ஏ-க்களின் ஆதரவுடன், சி. ஜோசப் விஜய் தமிழகத்தின் புதிய முதலமைச்சராக மே 10, 2026 அன்று பதவியேற்றார்.

தேர்தல் காலத்தில் பரப்பப்பட்ட முக்கிய போலிச் செய்திகள்

இந்தத் தேர்தல் களம் முன்னெப்போதும் இல்லாத வகையில் ஏராளமான வதந்திகளையும் போலிச் செய்திகளையும் சந்தித்தது.

• தலைவர்கள் குறித்த அவதூறுகள்:
  • முதலமைச்சர் மு.க.ஸ்டாலின் தேர்தலில் தோற்றால் தனது 3000 கோடி ரூபாய் சொத்துக்களை மக்களுக்கு வழங்குவதாகச் சவால் விட்டார் என்று ஒரு போலி நியூஸ் கார்ட் பரப்பப்பட்டது. உண்மையில் அவர் தனது சொத்து மதிப்பு 6.62 கோடி ரூபாய் என்றுதான் தேர்தல் மனுவில் குறிப்பிட்டிருந்தார்.Link
  • திமுக இருக்கும் வரை திருப்பரங்குன்றத்தில் தீபம் ஏற்ற விடமாட்டோம் என்று ஸ்டாலின் பேசியதாக எடிட் செய்யப்பட்ட வீடியோக்கள் பரவின.Link
    
• திரைப்பல பிரபலங்களின் நிலைப்பாடு குறித்த வதந்திகள்:
  
  • நடிகர் அஜித் குமார் “ஆட்சி மாற்றம் தேவையில்லை” (No Need) என்று கூறியதாக மாலை முரசு பெயரில் போலிச் செய்தி பரப்பப்பட்டது. ஆனால் அஜித் தரப்பு இதனை மறுத்தது.Link
    
  • நடிகர் விஜய் தனது பிரசாரத்தின் போது “உதய சூரியன்” சின்னத்திற்கு வாக்களிக்கச் சொன்னதாக எடிட் செய்யப்பட்ட வீடியோக்கள் பகிரப்பட்டன. உண்மையில் அவர் தனது கட்சியின் “விசில்” சின்னத்திற்கே வாக்கு கேட்டார்.Link
    
  • நடிகர் சிலம்பரசன் 2016-ல் பேசிய பழைய வீடியோவை எடுத்து, அவர் 2026 தேர்தலில் ஆட்சி மாற்றம் தேவையில்லை என்று கூறியதாகத் தவறாகப் பகிரப்பட்டது.Link
    
• வாக்குப்பதிவு மற்றும் கருத்துக் கணிப்புகள்:
  
  • 92% அரசு ஊழியர்கள் அதிமுக-விற்கு வாக்களித்ததாகச் சன் நியூஸ் மற்றும் பாலிமர் பெயரில் போலித் தகவல்கள் பரப்பப்பட்டன.Link
    
  • இந்தியா டுடே மற்றும் IBC தமிழ் ஆகிய ஊடகங்கள் திமுக 160 முதல் 200 இடங்கள் வரை வெற்றி பெறும் என்று கருத்துக் கணிப்பு வெளியிட்டதாகப் போலி நியூஸ் கார்ட்கள் உலாவின.Link

பழைய வீடியோக்களைத் தற்போது நடந்ததாகச் சித்தரித்தல்

தேர்தல் பரபரப்பைப் பயன்படுத்திக் கொண்டு பழைய நிகழ்வுகளைத் தற்போதைய தேர்தலோடு தொடர்புபடுத்தி வதந்திகள் பரப்பப்பட்டன.

• முன்னாள் சபாநாயகர் அப்பாவு வாக்கு எண்ணும் மையத்தில் இருந்து வெளியேற்றப்பட்டதாகப் பரவிய வீடியோ, உண்மையில் 2016-ம் ஆண்டு ராதாபுரம் தொகுதியில் நடந்த பழைய நிகழ்வாகும்.Link
• கனிமொழி வாக்கு சேகரிக்கச் சென்ற போது மக்கள் அவரை விரட்டியடித்ததாகப் பகிரப்பட்ட வீடியோ, உண்மையில் 2024 நாடாளுமன்றத் தேர்தலின் போது மக்கள் அவரை அன்போடு பேசச் சொல்லி அழைத்த நிகழ்வாகும்.Link

2026 தமிழ்நாடு சட்டமன்றத் தேர்தல் என்பது வெறும் ஆட்சி மாற்றம் மட்டுமல்ல அது அரை நூற்றாண்டுகளாக நீடித்த ஒரு இருமுனை அரசியல் பிம்பத்தின் உடைப்பு ஆகும். நடிகர் விஜய் தலைமையிலான தமிழக வெற்றிக் கழகத்தின் வெற்றி, தமிழ்நாட்டின் அரசியல் வரலாற்றில் ஒரு புதிய சகாப்தத்தைத் தொடங்கியுள்ளது. இருப்பினும், இந்தத் தேர்தல் களம் ஒரு கசப்பான உண்மையையும் உணர்த்தியுள்ளது அதுதான் ‘திட்டமிடப்பட்ட போலிச் செய்திகளின் ஊடுருவல்’. அவை மக்களின் தெளிவான முடிவெடுக்கும் திறனைச் சிதைக்க முயன்றது.

ஒரு ஆரோக்கியமான ஜனநாயகம் என்பது வாக்காளர்களின் கையில் உள்ள ‘வாக்கு’ எனும் வலிமையான ஆயுதத்தைப் பொறுத்தது மட்டுமல்ல, அந்த வாக்கு எந்த அளவு உண்மைத் தகவலின் அடிப்படையில் செலுத்தப்பட்டது என்பதில்தான் அடங்கியுள்ளது. போலிச் செய்திகள் ஒரு மாயையை உருவாக்கி மக்களின் தீர்ப்பைத் திசைதிருப்ப முயன்றாலும், இறுதியில் ஆதாரங்களுடன் கூடிய உண்மைகளே நிலைத்து நிற்கும் என்பதற்கு இந்தத் தேர்தல் ஒரு சிறந்த உதாரணம்.இனிவரும் காலங்களில், சமூக ஊடகங்களில் வரும் ஒவ்வொரு செய்தி தொடர்பான உண்மையையும் ஒருமுறைக்கு இருமுறை ஆராய்வது நமது கடமையாகும்.

எங்களது  சமூகவலைதள  பக்கங்களை  பின்தொடர….

Facebook PageI Twitter PageIInstagram|  Google News Channel  |TikTok| Youtube