දිනපතා සත්‍ය කරුණු දැන ගැනීමට අපගේ WhatsApp චැනලයටමෙතනින් එකතුවන්න.
ශ්‍රී ලංකාවේ මැතිවරණ ළං වන විට, බොහෝ විට නිශ්චිත අපේක්ෂකයින් හෝ දේශපාලන පක්ෂ ඉලක්ක කර ගනිමින් සමාජ මාධ්‍යවල නොමගයවන සුළු සටහන් ව්‍යාප්ත වීමේ වැඩි වීමක් දක්නට ලැබේ. විශේෂයෙන්ම NPP යට එරෙහිව SJB හි සමාජ මාධ්‍ය උපාය මාර්ග ලෙස සදහන් ලේඛනයක් පැතිර යන බවක් දක්නට ලැබේ .
සමාජ මාධ්‍ය පළ කිරීම්
සමගි ජන බලවේගයේ (SJB) සමාජ මාධ්‍ය ප්‍රචාරක උපායමාර්ගය විස්තර කෙරෙන අගෝස්තු 25 වැනි දින පැවති රැස්වීමක සටහන් යැයි කියන කුඩා මුද්‍රිත සටහනක් සමාජ මාධ්‍ය වල ප්‍රචලිත වී ඇත. රැස්වීමේදී සාකච්ඡා කළ රහස්‍ය උපාය මාර්ග සටහනෙන් හෙළිදරව් වන බව දැක්වේ .
අපි මේ ගැන සොයා බැලීමට තීරණය කළා.
Fact Check
කරුණු පිරික්සුම් සාරාංශය: අදාළ ලේඛනය ව්‍යාජ එකක් ලෙස නිල SJB සමාජ මාධ්‍ය ගිණුම් විසින් හෙළා දැක ඇති අතර, එය දිගටම පතුරුවන්නන්ට එරෙහිව නීතිමය ක්‍රියාමාර්ග ගන්නා බවට අනතුරු අඟවා ඇත. එම ලේඛනය ගොතන ලද එකක් බව SJB හි නීති නියෝජිතයා තහවුරු කළ අතර, එම ව්‍යාජ ලේඛනය සම්බන්ධයෙන් මැතිවරණ කොමිසමට ඔවුන් පැමිණිලි කර ඇත .
පැහැදිලි කිරීම
මෙම ලිපිය සම්බන්ධයෙන් ප්‍රධාන ධාරාවේ මාධ්‍ය ආයතන කිසිවක් වාර්තා කර නොමැති අතර, ලේඛනයේ සත්‍යතාව පිළිබඳ ස්වාධීන සත්‍යාපනය නොපැහැදිලිව පවතී. ලිපිය හෝ ඒ සමඟ ඇති සමාජ මාධ්‍ය පළ කිරීම් රැස්වීමට සම්බන්ධ ස්ථානය හෝ පුද්ගලයින් පිළිබඳ කිසිදු තොරතුරක් හෙළි නොකරයි.
විමර්ශනය
ලේඛනයේ සත්‍යතාව තරයේ ප්‍රතික්ෂේප කරමින් SJB සිය නිල සමාජ මාධ්‍ය නාලිකා හරහා ප්‍රතිචාර දක්වා ඇත. ඔවුන් එය විස්තර කළේ, “නිර්මාණය කරන ලද, අසත්‍ය සහ ව්‍යාජ ලේඛනයක්” ලෙසයි, එය පැතිරවීමට සම්බන්ධ වූවන්ට නීතිමය ප්‍රතිවිපාකවලට මුහුණ දිය හැකි බවට අනතුරු ඇඟවීය.
තත්ත්වය තවදුරටත් පැහැදිලි කිරීම සඳහා අපි ,සමගි ජන බලවේගයේ නිල සමාජ ජාලා වල මේ පිලිබදවවූ සටහනේ නම සදහන් SJB නීතිඥවරයා සම්බන්ධ කර ගත්තෙමු. නීතීඥවරයා මෙම ලේඛනය ගොතන ලද එකක් බවත්, SJB තුල ඇති කිසිදු සත්‍ය රැස්වීමක් හෝ සාකච්ඡාවක් මත පදනම් නොවන බවත් පැහැදිලිව ප්‍රකාශ කළේය.
මෙම සාවද්‍ය ලේඛනය තවදුරටත් ප්‍රචාරය වුවහොත් ඊට වගකිවයුත්තන්ට එරෙහිව නීතිමය ක්‍රියාමාර්ග ගැනීමට පාර්ශවය සූදානම් බව නීතිඥවරයා අවධාරණය කළේය.
මැතිවරණ කොමිසමට පැමිණිල්ලක්
ඉහත සඳහන් වංචනික ලේඛනය සංසරණය වීම සම්බන්ධයෙන් SJB හි නීති කණ්ඩායම මැතිවරණ කොමිෂන් සභාවට විධිමත් පැමිණිල්ලක් ද කර ඇති අතර, තවදුරටත් සාවද්‍ය තොරතුරු පැතිරීම වැළැක්වීම සඳහා වහාම පරීක්ෂණයක් සහ සුදුසු නීතිමය ක්‍රියාමාර්ගයක් ගන්නා ලෙස ඉල්ලා සිටියි . සම්පූර්ණ පැමිණිලි ලිපිය පහතින් දැක්වේ.
විශ්ලේෂණය
ලේඛනයේ සත්‍ය අසත්‍යතාව ස්වාධීනව තහවුරු කිරීමට අපට අපහසුයි.
කෙසේ වෙතත්, විශේෂයෙන් දේශපාලනික වශයෙන් සංවේදී කාලවලදී ව්‍යාජ ලේඛන නිර්මාණය කිරීම සහ බෙදා හැරීම සාමාන්‍ය දෙයක් බව සැලකිල්ලට ගැනීම අත්‍යවශ්‍ය වේ. සමාජ මාධ්‍ය වේදිකාවලට එවැනි අන්තර්ගතයන් ඉක්මනින් විස්තාරණය කළ හැකි අතර, එය පුලුල්ව පැතිරුනු වැරදි තොරතුරු වලට මග පාදයි.
මීට පෙරද මෙවැනිම ලේඛන සමාජ මාධ්‍යවල බහුලව පැතිරී ඇති අතර, 2022දී එවැනි එක් අවස්ථාවක් සඳහා පැහැදිලි කිරීමක් පහත දැක්වේ.
එසේම කියවන්න: ඉදිරි ජනාධිපතිවරණය සඳහා ජ.වි.පෙ ප්‍රචාරණ කටයුතු වෙනුවන් ඔගිල්වි කළ යෝජනාවක්?
අපගේ කරුණු විමර්ෂණ පිලිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok
නිගමනය
SJB විසින් ආන්දෝලනාත්මක ලේඛනයේ සත්‍යතාව තරයේ ප්‍රතික්ෂේප කර ඇති අතර ඔවුන්ගේ නීති නියෝජිතයා එය පතුරුවන්නන්ට එරෙහිව නීතිමය ක්‍රියාමාර්ග ගැන අනතුරු අඟවා ඇත. ස්වාධීන සත්‍යාපනය අභියෝගාත්මක වන අතර, මෙය මහජනතාව නොමඟ යැවීමට හිතාමතා කරන ලද උත්සාහයක් බවට උපකල්පනය කල හැක .
වත්මන් දේශපාලන පරිසරය තුළ, සමාජ මාධ්‍ය භාවිතා කරන්නන් එවැනි ලේඛන බෙදාහදා ගැනීමට හෝ විශ්වාස කිරීමට පෙර ප්‍රවේශම් සහගතව සහ විවේචනාත්මකව සිතා බැලිය යුතුය.
Title:සමාජ ජාලාවල පැතිරෙන ප්‍රචාරක ව්‍යාපෘති සැලසුම ,,සජබ ය ප්‍රතික්ෂේප කරයි.
Fact Check By: Fact Crescendo TeamResult: Insight
