දිනපතා සත්ය කරුණු දැන ගැනීමට අපගේ WhatsApp චැනලයට මෙතනින් එකතුවන්න.
වෙරිටේ රිසර්ච් ආයතනය විසින් නිකුත් කරනු ලැබූ “රට හිතන හැටි” මත විමසුම පිළිබඳ සමාජයේ මේ වන විට දැඩිව කතා බහට ලක් වන කාරණයක්. මේ හා සම්බන්ධ සමාජ මාධ්ය ඔස්සේ පළ වූ සටහන් කිහිපයක් පිළිබඳ අප සිදු කළ කරුණු පරීක්ෂාවක් මේ.
සමාජ මාධ්ය සටහන් (Social Media Posts) :
“සමලිංගික පුද්ගලයන් අතර ආණ්ඩුවේ ජනතා අනුමැතිය 65% දක්වා ඉහළට වෙරිටේ රිසර්ච් වාර්තාව අනාවරණය කරයි” යනුවෙන් සටහනක් සමාජ මාධ්ය ඔස්සේ හුවමාරු වී තිබුණේ මේ අයුරින්.
මෙම සටහන බහුලව සංසරණය වී තිබුණේ මෙලෙසින්.
එසේම, වෙරිටේ රිසර්ච් ආයතනය NPP ලේකම් විසින් පවත්වාගෙන යන ලබන පෞද්ගලික ආයතනයක් බවත් යනාදී වශයෙන් ද සඳහන් කළ TikTok ඔස්සේ තව ත් සටහනක් පළ වී තිබුණා.
ෆේස්බුක් ඔස්සේ මෙම සටහන හුවමාරු වී තිබුණේ මේ අයුරින්
මෙම සටහන් වල සත්යතාව පිළිබඳ අප කරුණු පරීක්ෂා කිරීමට පියවර ගනු ලැබුවා.
Fact Check (කරුණු විමර්ශනය කිරීම):
වෙරිටේ රිසර්ච් ආයතනය “රට හිතන හැටි” (Mood of the Nation) මත විමසුමේ ප්රතිඵල පසුගිය පෙබරවාරි 15 වනදා මාධ්ය වෙත නිකුත් කර තිබුණා. Archived Link
ඉහත සමාජ මාධ්ය ඔස්සේ දැක්වෙන සටහන් අනුව මෙම සමීක්ෂණය සඳහා යොදා ගෙන ඇත්තේ, සමලිංගික පුද්ගලයන් බවට ඔවුන්ගේ මත විමසුමේ සඳහන් වී ඇත්ද යන්න අප පරීක්ෂා කරනු බැලුවා.
නමුත් එම මත විමසුම සඳහා පාදක කර ගෙන තිබුණේ, දිවයින පුරා විසිරී සිටින වෙන් වෙන් පවුල් ඒකක වලට අයත් ශ්රීලාංකික වැඩිහිටියන්1,048 දෙනෙකු ගෙන් සමන්විත, සසම්භාවි ක්රියාවලියක් හරහා තෝරා ගන්නා ලද බහු පියවර නියැදියක්, බවයි ඔවුන්ගේ වාර්තාවල දැක්වෙන්නේ. මෙම සටහන ඉරි නිල ෆේස්බුක් පිටුවේ පළ කරන ලද සටහනක් සංස්කරණය කර ඇති බවට ද, දැක ගන්නට ලැබේ. Archived Link
එමෙන් ම මෙම නවතම මත විමසුමට අනුව, 2026 පෙබරවාරි මාසයේ මුල් භාගය වන විට ආණ්ඩුව ගැන ජනතා අනුමැතිය 65% ක් ලෙස වාර්තා වී ඇති බව ත්, ජනතාව, රටේ ආර්ථිකය යහපත් වෙමින් පවතින බව පැවසූ පිරිස, වසරකට පෙර පැවති 55% ක අගයේ සිට 64% දක්වා ඉහළ ගොස් ඇති බව ත්, පෙන්වා දෙයි.
ජනතාවගෙන් බහුතරයක් (59%) වර්තමානයේ රටේ කටයුතු සිදුවෙමින් පවතින ආකාරය ගැන තෘප්තිමත් බව ප්රකාශ කර ඇති බවත්, වසර හතරක මත විමසුම් ඉතිහාසය තුළ රට ගැන ජනතාවගේ තෘප්තිය 50% මට්ටම ඉක්මවා ගිය පළමු අවස්ථාව බව ත් එහි සඳහන් කරයි.
විවිධ අංශ ඔස්සේ පෙර රජයන්ට සාපේක්ෂව වත්මන් රජය ඇගයීමේදී ධනාත්මක ඇගයීම ඉහළින්ම තිබුනේ මත්ද්රව්ය සහ අපරාධ අවම කිරීම සම්බන්ධයෙන් බව හා එය දූෂණය අඩු කිරීම සම්බන්ධව තිබූ ඇගයීමටත් වඩා ධනාත්මක තත්ත්වයක් බව ඔවුන් එම මත විමසුම සම්බන්ධයෙන් අදහස් දක්වයි.
කෙසේ වෙතත් මත විමසුම සඳහා ශ්රී ලාංකික වැඩිහිටියන් 1,048 දෙනෙකුගෙන් පමණක් සමන්විත වන නිසා මෙය සමස්ථ ශ්රී ලංකා පුරුවැසියන්ගේ දැක්ම නියෝජනය වනවාද, යන්න පිළිබඳ සමාජ මාධ්ය ඔස්සේ සටහන් පළ වනවා. මෙය ජාතික ජන බලවේග ආණ්ඩුවට පක්ෂව සිදු කළ මත විමසුමක් බව ත්, ඊට හේතුව වන්නේ, වෙරිටේ රිසර්ච් ආයතනය ජාතික ජන බලවේග ආණ්ඩුවේ ලේකම්ගේ බවට හැඟවීමට මෙවැනි ඡායාරූපද, එක් කරමින් පළ කර ඇති සටහන් සම්බන්ධයෙන් ද, අප කරුණු පරීක්ෂාවට ලක් කළා.
ජාතික ජනබල වේගයේ ප්රධාන ලේකම් කළුතර දිස්ත්රික් පාර්ලිමේන්තු මන්ත්රී විශේෂඥ වෛද්ය නිහාල් අබේසිංහ මහතා වේ. එසේම ජනතා විමුක්ති පෙරමුණේ ලේකම් ධුරය දරන්නේ ටිල්වින් සිල්වා මහතායි.
වෙරිටේ ආයතනයේ විධායක අධ්යක්ෂ වන්නේ නිෂාන් ද මෙල් මහතායි.
එමෙන්ම එම ආයතනයේ අධ්යක්ෂ මණ්ඩලය අතර ජාතික ජන බලවේගයේ ලේකම්වරයෙකු සිටින බවට ද, දැක ගන්නට නොලැබේ.
එසේම, ජාතික ජන බලවේගයේ ලේකම් සමඟ, වෙරිටේ විධායක අධ්යක්ෂ වන්නේ නිෂාන් ද මෙල් සහ තවත් පිරිසක් දැක්වෙන ඡායාරූපයේ පසුබිම ද අප පරික්ෂා කළා. ඒ අනුව අපට දැකගන්නට ලැබුනේ, එහි දැක්වෙන්නේ, 2024 ජනාධිපතිවරණයට පෙර, වෙරිටේ රිසර්ච් ආයතනය සිදුකළ අධ්යනයකට අනුව, ඇමති මණ්ඩලය 15ක් කිරීමේ නිර්දේශ ඔවුන් ප්රධාන දේශපාලන පක්ෂ නායකයින් වෙත යොමු කළ අවස්ථාවක දී ලබාගත් ඡායාරුපයක් බවයි. ඒ පිලිබඳ 2024 මැයි මස පළකර තිබු සටහනක් පහතින්. එහිදී සජබ නායක සජිත් ප්රේමදාස මහතා වෙත ද එම වාර්තාව පිරිනම ඇති අයුරු දැක්වෙනවා.
වෙරිටේ ආයතනයේ මාධ්ය සම්බන්ධීකාරක
මෙම ආයතනයේ සන්නිවේදන අංශයේ ප්රධානිගෙන් අප කළ විමසීමේදී සඳහන් කළේ, මේ දිනවල සමාජ මාධ්ය ඔස්සේ කතාබහට ලක්වෙන සමීක්ෂණය මෑතක දී ආරම්භ කරන ලද සමීක්ෂණයක් නොවන බවත්, 2022 වසරේ සිට, වසරකට වරක් හෝ දෙවරක් සිදු කරන සමීක්ෂණයක් බවයි.
අවසන් වරට පසුගිය 2025 වසරේ පෙබරවාරි මස මෙම සමීක්ෂණය සිදුකළ බවත්, ඉන්පසුව පළාත් පාලන මැතිවරණ ද පැවති බැවින්, එම වසරේ දෙවැනි සමීක්ෂණයක් සිදුනොකළ බවත්, ඉන්වසරකට පසුව 2026 පෙබරවාරියේ සමීක්ෂණ සොයාගැනීම් එළි දැක්වූ බවත් සඳහන් කර සිටියා.
එමනේ ම මෙහිදී නියැදියක් (Randomized Sample) යොදාගනිමින් සිදුකළ සමීක්ෂණයේ ක්රමවේදය පිළිබඳ හරිහැටි නොදන්නා පිරිස් මේ සම්බන්ධයෙන් සමාජ මාධ්ය ඔස්සේ අසත්ය තොරතුරු පතුරුවන බව ත්, වෙරිටේ ආයතනය දේශපාලන නායකයෙකුගේ බවට අසත්ය තොරතුරු පතුරුවන බව ත්, ඇය ප්රකාශ කළා.
වෙරිටේ ආයතනයේ විධායක අධ්යක්ෂ වන්නේ, ජාතික ජන බලවේගයේ ලේකම් නොව නිශාන් ද මෙල් බව ත්, වෙරිටේ රිසර්ච් ආයතනය 2024 වසරේ සිදු කළ අධ්යනයක රටේ ඇමති මණ්ඩලය 15ක් කරන නිර්දේශ ජාතික ජනබලවේගයේ සාමාජිකයන්ට නිර්දේශ පිළිබඳව දැනුවත් කිරීමට ගිය අවස්ථාවේ ලබා ගත් ඡායාරූපයක් ඇතැම් සමාජ මාධ්ය සටහන් වල අවභාවිත කරන බව ත්, සඳහන් කළා.
රට හිතන හැටි මත විමසුම
2022 වසරේ සිට සිදු කරන මෙම මත විමසුම සඳහා ලබා ගත් නියැදිය “කුඩා” වීම නිසා ඒ තුළින් සමස්ත ජාතික ජනගහනයේ ලක්ෂණ සාධාරණ ලෙස පිළිබිඹු කළ නොහැකි බවට හා නියැදි සමීක්ෂණවල වලංගුභාවය යන ගැටලුව සම්බන්ධයෙන් අදහස් දක්විමන් වෙරිටේ රිසර්ච් ආයතනයේ විධායක අධ්යක්ෂ නිෂාන් ද මෙල් පවසන්නේ, ගැලප් (Gallup) මාදිලියේ සමීක්ෂණයක් මෙම මත විමසුම සඳහා යොදා ගත් බවයි.
මෙම මත විමසුම සඳහා දත්ත එකතු කිරීම ගෝලීය ආයකන වලට සමීක්ෂණ සිදු කරන වැන්ගාඩ් සර්වේ (Vanguard Survey (Pvt) Ltd) ආයතනය විසින් කරන ලද බව ත්, එම දත්ත මත පදනම්ව වෙරිටේ රිසර්ච් ආයතනය විසින් දත්ත විශ්ලේෂණය කර ඉදිරිපත් කරන බවයි.
මෙම ගැලප් මාදිලියේ සමීක්ෂණය හරහා නියැදිය දහසක් වැනි කුඩා ප්රමාණයක් වූවත්, නිසි ක්රමවේදයට, විද්යාත්මක ක්රමයට තෝරා ගැනීම සිදු කළහොත්, ලබා ගන්නා දත්ත 3%ක වෙනස්කමක් තිබිය හැකි වූවත්, 95%ක පමණ මෙම දත්ත නිවැරදි බවට විශ්වාසය බවයි ඔහු පෙන්වා දෙන්නේ.
එසේම වෙරිටේ අධ්යක්ෂක වැඩිදුරටත් පෙන්වා දෙන්නේ, ගැලප් මාදිලිය බොහෝ බොහෝ ජාත්යන්තර වශයෙන් සමීක්ෂණ සඳහා යොදා ගන්නා බවත්, මෙහිදී බොහෝ දුරට නිවැරදි වන සමීක්ෂණ ප්රතිඵල ලබා ගැනීම සඳහා නියැදි තරම ඉතා විශාල වීම අතවශ්ය නොවන බවත්, නිසි පරිදි ජනගනයනට සාපේක්ෂව අදාළ දිස්ත්රික්ක හරහා ග්රාම සේවක කොට්ටාස ඔස්සේ විද්යාත්මකව තෝරාගත් නියැදියකින්, multi-stage stratified random sampling ක්රමවේදයක් ඔස්සේ සංඛ්යාන විද්යාව ඔස්සේ මෙම ගණනය කිරීම සිදුකළ හැකි බවයි. මීට වඩා විශාල නියැදි භාවිතා කළ හැකි නමුත් එහිදී පිරිවැයට සාපේක්ෂව ලැබෙන ප්රතිලාභය කුඩා විය හැකි බවයි පෙන්වා දෙන්නේ.
මේ සම්බන්ධයෙන් එම ආයතනය සිදු කළ පැහැදිලි කිරීම මෙතනින්.
ගැලප් සමීක්ෂණයක් යනු කුමක්ද?
ගැලප්, ඉන්කෝපරේෂන් යනු එක්සත් ජනපදය පදනම් කරගත් ගෝලීය විශ්ලේෂණ සහ ඡන්ද විමසීම් සංවිධානයක් වේ.
ගැලප්, ඉන්කෝපරේෂන් සමීක්ෂණයක් (Gallup, Inc. survey) හෝ ගැලප් මත විමසුමක් යනු මහජන මත විමසුමකි. එය ජනතාවගෙන් ප්රශ්න ඇසීමට සහ ඔවුන් සිතන, දැනෙන හෝ අත්විඳින දේ තේරුම් ගැනීමට භාවිතා කරයි.
මෙය මහජන මත සමීක්ෂණ ජාතික අදහස් ඇස්තමේන්තු කිරීම සඳහා ගෝලීය වශයෙන් පිළිගත් විද්යාත්මක ක්රමයකි.
ගැලප් හි ප්රකාශිත ක්රමවේදයට අනුව, බොහෝ ජාතික සමීක්ෂණ පදනම් වී ඇත්තේ වයස, ස්ත්රී පුරුෂ භාවය, කලාපය සහ අනෙකුත් ප්රධාන ලක්ෂණ අනුව නියෝජනය සහතික කිරීම සඳහා සම්භාවිතා නියැදී භාවිතා කරමින්, රටකට අහඹු ලෙස තෝරාගත් ප්රතිචාර දක්වන්නන් 1,000 ක් පමණ සාම්පල භාවිතා කරමින්ය.
උදාහරණයක් ලෙස, ගැලප් ජාත්යන්තර ගෝලීය මත විමසුම රටවල් 30+ ක් පුරා රටකට ආසන්න වශයෙන් පුද්ගලයින් 1,000 ක් සමීක්ෂණය කරන අතර, දෝෂයේ ආන්තිකය ±3–5% ක් පමණ වේ.
විශේෂඥයින් සඳහන් කරන්නේ 1,000 යනු සංඛ්යානමය වශයෙන්, පුද්ගලයින් 1,000 ක අහඹු නියැදියකට මිලියන 300 ක ජනගහනයක් 30,000 ක ජනගහනයක් තරම්ම ඵලදායී ලෙස නිරූපණය කළ හැකි බවයි.
ගැලප්ගේ ක්රමවේදයට අනුව, අහඹු තේරීමේ නිවැරදි බව සම්මුඛ පරීක්ෂණයට ලක් කළ මුළු පුද්ගලයින් සංඛ්යාවට වඩා වැදගත් වේ. මේ සම්බන්ධ ඔවුන්ගේ වාර්තාවක් මෙතනින් සහ මෙතනින්.
ඒ හා සමානව, ලෝක සතුට වාර්තාව වැනි ප්රධාන ගෝලීය වාර්තාවල භාවිතා වන ගැලප් ලෝක මත විමසුම රටවල් 140 කට අධික සංඛ්යාවක ජාතික වශයෙන් නියෝජනය වන සාම්පල වලින් දත්ත රැස් කරයි.
එක්සත් ජනපදය, ඉන්දියාව, එක්සත් රාජධානිය සහ බ්රසීලය ඇතුළු රටවල් 140 කට අධික සංඛ්යාවක ගැලප් විලාසිතාවේ සමීක්ෂණ පවත්වනු ලබන අතර, සාමාන්යයෙන් ජාතික මහජන මතයේ සංඛ්යානමය වශයෙන් විශ්වාසදායක ඇස්තමේන්තු නිෂ්පාදනය කිරීම සඳහා රටකට ප්රතිචාර දැක්වූවන් 1,000 ක් පමණ සාම්පල භාවිතා කරයි.
මෙම සමීක්ෂණය නිසි ලෙස සිදු කරන විට, පුද්ගලයින් 1,000 ක් පමණ සහභාගී කර ගනිමින් කරන ලද සමීක්ෂණයකට සෑම පුද්ගලයෙකුම ඇතුළත් නොවුනත්, ජාතික ප්රවණතා විශ්වාසදායක ලෙස තක්සේරු කළ හැකි බවයි මේ හා සම්බන්ධ විශ්වාසදායක මූලාශ්ර වල සඳහන් වන්නේ. මේ සම්බන්ධ වාර්තා මෙතනින්, මෙතනින්, මෙතනින් සහ මෙතනින්.
ජාතික එක්සත් ජනපද මත විමසුම්(National U.S. Polls) : සම්මත සාම්පල ප්රමාණය ජාතික වැඩිහිටියන් 1,000 කි. මෙම අංකය භාවිතා කරනුයේ එය ආසන්න වශයෙන් ±4 ප්රතිශත ලක්ෂ්යයක විශ්වාසනීය ආන්තික දෝෂයක් සපයන බැවිනි. මෙයින් ඔබ්බට සාම්පල ප්රමාණය වැඩි කිරීමෙන් නිරවද්යතාවයෙන් අඩුවන ප්රතිලාභ ලබා දෙයි.
ගැලප් ලෝක මත විමසුම(Gallup World Poll): සාමාන්යයෙන් රටකට පුද්ගලයින් 1,000 ක් සමීක්ෂණය කරයි. චීනය, ඉන්දියාව හෝ රුසියාව වැනි ඉතා විශාල රටවල, සාම්පල ප්රමාණය බොහෝ විට අවම වශයෙන් 2,000 ක් හෝ ඊට වැඩි ගණනකට වැඩි කරනු ලැබේ.
ගැලප් පැනල(Gallup Panel): වඩාත් පුළුල් හෝ විශේෂිත අධ්යයන සඳහා,ගැලප් ක්රියාකාරී එක්සත් ජනපද වැඩිහිටියන් 100,000 කට අධික සංඛ්යාවකින් යුත් සම්භාවිතාව මත පදනම් වූ මණ්ඩලයක් පවත්වාගෙන යයි.
ගැලප් ක්රමය ඉතා නිවැරදි යැයි සැලකෙන සහ ජාත්යන්තර ආයතන විසින් විශ්වාස කරන නිශ්චිත උදාහරණ
1. ලෝක සතුට වාර්තාව(Global Happiness and Well-being එක්සත් ජාතීන්ගේ සංවිධානය)
සතුට අනුව රටවල් ශ්රේණිගත කිරීම සඳහා එක්සත් ජාතීන්ගේ සංවිධානය ගැලප් ලෝක මත විමසුම මත සම්පූර්ණයෙන්ම පාහේ රඳා පවතී.
එය නිවැරදි වන්නේ ඇයි: ගැලප් විවිධ සංස්කෘතීන් හරහා ස්ථාවර 0–10 පරිමාණයක් (“Cantril Ladder”) භාවිතා කරන නිසා, දශක ගණනාවක් පුරා ජීවිත තෘප්තිය මාරු වන ආකාරය ඔවුන්ට නිවැරදිව නිරීක්ෂණය කළ හැකිය. නිදසුනක් වශයෙන්, 2021 රජය බිඳවැටීමට වසර ගණනාවකට පෙර ඇෆ්ගනිස්ථාන ජීවිත තෘප්තියේ ස්ථාවර පරිහානිය ඔවුන් නිවැරදිව ග්රහණය කර තිබේ.
OECD සහ ලෝක බැංකුව වැනි සංවිධාන දළ දේශීය නිෂ්පාදිතයෙන් ඔබ්බට “සමාජ ප්රගතිය” මැනීමට මෙය භාවිතා කරයි.
2. ගෝලීය මූල්ය ඇතුළත් කිරීම (ලෝක බැංකුව “Findex”)
ගැලප් විසින් ගෝලීය Findex දත්ත සමුදාය සඳහා සමීක්ෂණ පවත්වන අතර, එය බැංකු ගිණුම් කී දෙනෙකුට තිබේදැයි නිරීක්ෂණය කරයි.
2011 දී, ගෝලීය වශයෙන් වැඩිහිටියන්ගෙන් 51% කට පමණක් බැංකු ගිණුමක් ඇති බව ඔවුන් පවසා තිබූ අතර 2021 වන විට, ඔවුන්ගේ ක්රමය 76% දක්වා වැඩිවීමක් නිරීක්ෂණය විය.
ගැලප් හි සංවර්ධනය වෙමින් පවතින රටවල නිවාස වෙත ගොස් ලබා ගන්නා නියැදි ඩිජිටල්-පමණක් සමීක්ෂණ මග හරින ග්රාමීය ජනගහනයට ළඟා වන බැවින් ආර්ථික විද්යාඥයින් මෙම සංඛ්යා විශ්වාස කරයි.
3. ගෝලීය ආරක්ෂණ ජාලය (ලොයිඩ්ගේ ලියාපදිංචි පදනම)
දේශගුණික විපර්යාස, සේවා ස්ථාන ආරක්ෂාව සහ AI වැනි අවදානම් මිනිසුන් තේරුම් ගන්නා ආකාරය මනින ලෝක අවදානම් මත විමසුම Gallup විසින් සිදු කරයි.
සෑම රටකම පාහේ පුද්ගලයින් 1,000 ක සාම්පල භාවිතා කිරීමෙන්, ඔවුන්ට දැනගත් අවදානම එදිරිව සැබෑ අවදානම සංසන්දනය කළ හැකිය. නිදසුනක් වශයෙන්, බොහෝ සංවර්ධනය වෙමින් පවතින රටවල, දේශගුණික විපර්යාසවලට වඩා මාර්ග අනතුරු වලට මිනිසුන් බිය වන බව ඔවුන් නිවැරදිව හඳුනා ගත් අතර, එය රාජ්ය නොවන සංවිධානවලට මුදල් වියදම් කළ යුතු ස්ථානය ප්රමුඛතාවය දීමට උපකාරී වේ. මූලාශ්ර මෙතනින් සහ මෙතනින්.
4. එක්සත් ජනපද ආර්ථික විශ්වාසනීය දර්ශකය
මැතිවරණ මත විමසුම් අස්ථාවර වුවද, ගැලප් හි ආර්ථික විශ්වාසනීය දර්ශකය එහි දිශානුගත නිරවද්යතාවය සඳහා බෙහෙවින් සැලකේ.
ඇමරිකානුවන්ට ඔවුන්ගේ පුද්ගලික මූල්ය ගැන හැඟෙන ආකාරය පිළිබඳ ගැලප් හි දිනපතා හෝ සතිපතා නිරීක්ෂණය කිරීම සෑම විටම පාහේ රජය විසින් මාස කිහිපයකට පසු නිකුත් කරන ලද සැබෑ පාරිභෝගික මිල දර්ශකය (CPI) සහ උද්ධමන දත්ත පිළිබිඹු කරයි.
විශේෂඥ දැක්ම වූයේ එය ප්රමුඛ දර්ශකයක් ලෙස ක්රියා කරන බව ත්, එය දැඩි ආර්ථික දත්ත මගින් තහවුරු කිරීමට පෙර ජනතාවට දැන් දැනෙන දේ රජයට පවසන බව ත් ය. මේ පිළිබඳ වාර්තා මෙතනින් සහ මෙතනින්.
ගැලප් ක්රමවේදයේ දෝෂ
නමුත්, ගැලප් මාදිලියේ සමීක්ෂණවල විද්යාත්මකව ශක්තිමත් ලෙස පුළුල් ලෙස සලකනු ලැබුවද, පර්යේෂකයන් සඳහන් කරන්නේ ඔවුන්ගේ සොයාගැනීම් වරදවා වටහා ගත හැකි හෝ අනිසි ලෙස භාවිතා කළ හැකි බවයි.
මහජන අදහස් පර්යේෂණ සඳහා ඇමරිකානු සංගමයේ මග පෙන්වීම ඇතුළුව අධ්යයන පර්යේෂණ, ප්රශ්න වචන යෙදීමේ බලපෑම්, ප්රතිචාර නොදැක්වීම සහ ප්රතිඵල වැරදි ලෙස අර්ථ නිරූපණය කිරීම වැනි අවදානම් ද ඉස්මතු කරයි, එය සමීක්ෂණ මහජන මතය කෙතරම් නිවැරදිව පිළිබිඹු කරයිද යන්න බලපෑම් කළ හැකිය. එහි ප්රතිඵලයක් වශයෙන්, එවැනි සමීක්ෂණ මගින් මහජන ආකල්ප පිළිබඳ ප්රයෝජනවත් අදහසක් ලබා දෙන අතර, ඒවා සමස්ත ජනගහනයකම නිශ්චිත නිරූපණයන් ලෙස ඉදිරිපත් කිරීම නොමඟ යවන සුළු විය හැකි අතර එය අධික ලෙස සාමාන්යකරණයට හෝ දේශපාලනික වශයෙන් අනිසි ලෙස භාවිතා කිරීමට හේතු විය හැක.
ගැලප් ක්රමවේදය අනුගමනය කරන ඕනෑම රටක් හෝ සංවිධානයක් ප්රධාන වශයෙන් සම්භාවිතාව මත පදනම් වූ නියැදීම සහ ඇතැම් අවස්ථාවල කෝටා මත පදනම් වූ බර තැබීම මත රඳා පවතී මේ හේතුවෙන් සාවද්ය ප්රතිඵලවලට තුඩු දිය හැකි විශේෂඥයින් විසින් හඳුනාගත් අවදානම් කිහිපයකට මුහුණ දෙයි.
1. නියැදී සහ නියෝජනය කිරීමේ දෝෂ
දැඩි ක්රමවේදයක් සමඟ වුවද, මත විමසුමක් මුළු ජනගහනයම නිවැරදිව පිළිබිඹු කිරීමට අසමත් විය හැකිය.
ඇමරිකානු මහජන අදහස් පර්යේෂණ සංගමය සඳහන් කරන්නේ, ඇතැම් කණ්ඩායම් සාම්පල රාමු වලින් බැහැර කළ විට ආවරණ දෝෂයක් සිදුවන බවයි. එමඟින් ප්රතිඵල වඩාත් ප්රවේශ විය හැකි ජනගහනයකට නැඹුරු විය හැකිය. AAPOR ආචාර ධර්ම සංග්රහය
නියැදි රාමු දෝෂ: නියැදිය තෝරා ගන්නා ලැයිස්තුව (උදා: දුරකථන නාමාවලියක් හෝ ඡන්දදායක ලැයිස්තුවක්) අසම්පූර්ණ වූ විට මෙය සිදු වේ. බොහෝ රටවල, අන්තර්ජාල ප්රවේශය හෝ ස්ථාවර දුරකථන නොමැති අය බැහැර කිරීම ධනවත් හෝ නාගරික ජනගහනයට අනුග්රහය දක්වන ආවරණ දෝෂයක් නිර්මාණය කරයි.
සුළුතර කණ්ඩායම්වල අඩු නියෝජනය: සුළුතර හෝ ආන්තික කණ්ඩායම්වල සූක්ෂ්මතා ග්රහණය කර ගැනීම දුෂ්කර බව විශේෂඥයින් සටහන් කරයි. මෙම කණ්ඩායම් ඔවුන්ගේ සැබෑ අනුපාතයෙන් සාම්පල ලබා නොගන්නේ නම්, ප්රතිඵල පුළුල් මහජන හැඟීම පිළිබිඹු නොකරනු ඇත.
ඒකක ප්රතිචාර නොදැක්වීම : මෑත වසරවලදී, සම්භාවිතා ඡන්ද විමසීම් සඳහා ප්රතිචාර අනුපාත දළ වශයෙන් 9-10% දක්වා පහත වැටී ඇත. පිළිතුරු දීම ප්රතික්ෂේප කරන පුද්ගලයින්ට පිළිතුරු දෙන අයට වඩා වෙනස් මත තිබේ නම්, අවසාන දත්ත ක්රමානුකූලව පක්ෂග්රාහී වේ.
2. ක්රියාත්මක කිරීම සහ ප්රායෝගික දුෂ්කරතා
ඇතැම් රටවල, ළඟා වීමට අපහසු හෝ අනාරක්ෂිත ප්රදේශ බැහැර කළ හැකි බව ගැලප් ආයතනය විසින්ම පිළිගනී. විශේෂයෙන් සම්මුඛ පරීක්ෂක ආරක්ෂාව අවදානමට ලක්ව ඇති හෝ යටිතල පහසුකම් සීමිත වන විට, එය ජාතික නියෝජනයට බලපෑ හැක ඒ සම්බන්ධ ලිපියක් මෙතනින්.
ආරක්ෂාව සහ ප්රවේශ්යතා ගැටලු: ගැටුම් කලාපවල හෝ සංවර්ධනය වෙමින් පවතින ප්රදේශවල, ගැලප් සහ එහි අනුගාමිකයින් බොහෝ විට සම්මුඛ පරීක්ෂක ආරක්ෂාවට තර්ජනයක් වන කලාප හෝ පයින් පමණක් ළඟා විය හැකි ප්රදේශ බැහැර කරයි. මෙයින් අදහස් කරන්නේ ප්රතිඵල සැබවින්ම ජාතික වශයෙන් නියෝජනය නොවිය හැකි බවයි.
ක්ෂේත්ර සේවකයින්ගේ අඛණ්ඩතාව: දුර්වල පුහුණුවක් ලැබූ සම්මුඛ පරීක්ෂකයින් නොදැනුවත්වම ප්රතිචාර දක්වන්නන් ඇතැම් පිළිතුරු වෙත යොමු කිරීමට හෝ අහඹු ලෙස තෝරා ගැනීමේ උපදෙස් අනුගමනය කිරීමට අපොහොසත් විය හැකිය.
3. මිනුම් සහ මනෝවිද්යාත්මක දෝෂ
පිව් පර්යේෂණ මධ්යස්ථානයට අනුව, ප්රශ්නවල වචන, අනුපිළිවෙල සහ සන්දර්භය ප්රතිචාරවලට සැලකිය යුතු ලෙස බලපෑ හැකිය, නියැදීම කොතරම් හොඳ වුවත්, ප්රශ්න යොමු කරන ආකාරය ප්රතිඵලය වෙනස් කළ හැකි බව ත්, එය මිනුම් දෝෂයක් බව ත් සඳහන් කර තිබුණේ මේ අයුරින්.
ඇතැම් දේශපාලන නැඹුරුවාවන් හෝ මූල්ය තත්ත්වය පිළිගැනීම වැනි ජනප්රිය නොවන හෝ සංවේදී පිළිතුරු ලබා නොදෙන ලෙස ප්රතිචාර දක්වන්නන්ට සමාජ පීඩනයක් දැනිය හැකිය.
දුර්වල ලෙස නිර්මාණය කර ඇති ප්රශ්න, “ඔවුන්ගේ ආර්ථික සැලැස්ම නිසා ඔබ මෙම අපේක්ෂකයාට සහාය දෙනවාද?” වැනි සහභාගිවන්නන් නිශ්චිත ආකාරයකින් පිළිතුරු දීමට පෙළඹවිය හැකිය.
4. විද්යාත්මක එදිරිව වාණිජ සීමාවන්
බොහෝ සමීක්ෂණ මඟින් සහසම්බන්ධය හේතුඵලවාදය ලෙස වැරදි ලෙස වරදවා වටහා ගන්නා බවට විශේෂඥයින් අනතුරු අඟවයි.
දත්ත මාධ්යවේදී නේට් සිල්වර් ඇතුළු විචාරකයින් සඳහන් කර ඇත්තේ “ඡන්ද දායකයින්” හඳුනා ගැනීම සඳහා ගැලප්ගේ ආකෘතිය බොහෝ විට වැඩිහිටි හෝ සුදු ඡන්දදායකයින් වැනි ඇතැම් ජනවිකාස කෙරෙහි ඕනෑවට වඩා නැඹුරු වූ බව සඳහන්කර තිබුණේ මෙලෙසින්.
මිචිගන් විශ්ව විද්යාලයේ සහ අනෙකුත් ආයතනවල විශේෂඥයින් මෙන් ම,The Urban Institute ආයතනද, මෙහි වලංගු භාවය පිළිබඳ ගැටලු සාකච්ඡා කොට තිබුණේ මෙලෙසින්, මෙලෙසින් සහ මෙලෙසින්.
දශක ගණනාවක පීඩනයෙන් සහ ඉහළම විශ්ලේෂකයින්ගෙන් “B-plus” පමණක් ලබා ගත් අවසාන ශ්රේණිගත කිරීමෙන් පසුව, 2026 පෙබරවාරි මාසයේදී ගැලප් නිවේදනය කළේ ජනාධිපති අනුමත ශ්රේණිගත කිරීම් නිරීක්ෂණය කිරීම සම්පූර්ණයෙන්ම නවත්වන බවයි. මෙහිදී ඔවුන්ගේ ක්රමවේදය මැතිවරණ ප්රතිඵල මගින් ප්රසිද්ධියේ ප්රතික්ෂේප කිරීමට ඇති ඉඩකඩ අඩු බවයි ඔවුන් පවසන්නේ.
අපගේ කරුණු විමර්ශන පිළිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok | Youtube
Conclusion (අවසාන නිගමනය) :
අපගේ විමර්ශනයෙන් පෙන්වා දෙන්නේ, “සමලිංගික පුද්ගලයන් අතර ආණ්ඩුවේ ජනතා අනුමැතිය 65% දක්වා ඉහළට වෙරිටේ රිසර්ච් වාර්තාව අනාවරණය කරයි” යනුවෙන් සහ වෙරිටේ රිසර්ච් ආයතනය NPP ලේකම් විසින් පවත්වාගෙන යන ලබන ආයතනයක් බවට පළ වන සමාජ මාධ්ය සටහන් අසත්ය බවයි.
“රට හිතන හැටි” (Mood of the Nation) මත විමසුම දිවයින පුරා විසිරී සිටින වෙන් වෙන් පවුල් ඒකකවලට අයත් අහඹු ලෙස තෝරාගත් ශ්රී ලාංකික වැඩිහිටියන් 1,048 දෙනෙකුගෙන් සිදු කළ මත විමසීමක් වන අතර ජාතික ජන බලවේගයේ ජාතික ලේකම්වරයා වන්නේ, විශේෂඥ වෛද්ය නිහාල් අබේසිංහ වේ. වෙරිටේ ආයතනයේ විධායක අධ්යක්ෂ වන්නේ නිෂාන් ද මෙල් මහතා වේ.
Title:වෙරිටේ “රට හිතන හැටි” මත විමසුම හා සම්බන්ධ නොමග යන සුළු සටහන් පෙළක්!
Fact Check By: Pavithra SandamaliResult: Misleading
