Fact Check : කංසා භාවිතයෙන් කොරොනා වෛරසය මර්දනය කල හැකිද?

Coronavirus False Health

කොරෝනා වෛරස් ආසාදනය වසංගත තත්ත්වයක් ලෙස ලෝක සෞඛ්‍ය සංවිධානය පසුගියදා ප්‍රකාශයට පත්කළේය. මෙම රෝගය නවතාගත හැකි නිශ්චිත ඖෂධයක් මේ වන තෙක්ම සොයාගෙන නොමැති බව ලෝක සෞඛ්‍ය සංවිධායන පවසා සිටියි.මෙම ආසාදනය සුව කළ හැකි බව පවසමින් සමාජ මාධ්‍ය ජාලා ඔස්සේ පාරම්පරික වෛද්‍ය ක්‍රම, පැළැටි ඇතුළු නොයෙකුත් ක්‍රම පිළිබඳව විවිධ සටහන් ඉදිරිපත්වේ. මෙම සටහන් පිළිබඳව අප කළ කරුණු විමර්ශනයේදී තහවුරු වූයේ මේවා සියල්ලම පාහේ නොමඟ යවන සුළු සටහන් බවයි.

මෙවන් පසුබිමක PSYTRaNCE නැමති ෆේස්බුක් පිටුවක සියුම්වට කපා ගත් ශාඛපත්‍ර සහිත සේයාරුවක් සහිත සටහනක් ඉදිරිපත් වී තිබෙනු නිරීක්ෂණය විය. ප්‍රවෘත්ති නාලිකාවක දැන් ලැබුණු පුවතක් දැක්වීමට උත්සාහ ගෙන තිබූ මෙම සේයාරුවේ, “Weed Kills Corona Virus, Scientists are shocked to discover that weed kills corona virus” වදන ආරෝපනය කර තිබුණි. එහි සිංහල අර්ථය, “කංසා කොරොනා වෛරසය මර්දනය කරයි. කොරෝනා වෛරසය මර්දනය කරන කංසා පිළිබඳව විද්‍යාඥයෝ  මවිතයට පත් වෙති”.

ෆේස්බුක් පරිශීලනය කරන්නන් රාශියක් අතර හුවමාරු වී තිබුණු මෙම සටහනට ප්‍රතිචාර රස සටහන් රැසක් ද හිමිව තිබුණි. හාස්‍ය උපදන අන්දමට ඉදිරිපත්ව තිබූ ප්‍රතිචාර නිසා, මෙම සටහන පිළිබඳව සත්‍යය කරුණු විමර්ශනයක් කිරීමට අපගේ අවධානය යොමු විය.

එලෙස මේ දිනවල හුවමාරුවන සටහනක් පහතින්.

Facebook LinkArchived Link
screenshot-www.facebook.com-2020.03

එලෙස හුවමාරුවූ තවත් සටහනක් පහතින්.

Facebook LinkArchived Link

Fact Check (සත්‍ය තොරතුරු විමර්ශනය කිරීම) 

මෙම පුවත සම්බන්දයෙන් අපි ගූගල් නිව්ස් හරහා සොයා බැලීමක් සිදු කලා. එහිදී අපට දක්නට ලැබුනේ ප්‍රධාන ධාරාවේ මාධ්‍ය කිසිවක්  මේ සම්බන්ධයෙන් කිසිදු පුවතක් පළකර නොමැති බවයි.

අප මෙම ඡායාරූපය google reverse image හරහා සෙවීමකට යොමු කළෙමු. ඡායාරූපය අන්තර්ගත වාර්තා සහ සමාජ මාධ්‍ය ජාලා සටන් රාශියක්ම නිරීක්ෂණය විය. ඉන්දියානු චිත්‍ර පට නිෂ්පාදකයකු වන විවේක් රන්ජන් අග්නිහෝත්‍රි මෙම මතය ඉදිරිපත් කළ බව පැවසීමද මෙම සටහන්හි අන්තර්ගත වීම විශේෂත්වයක් විය.

Google Reverse Image Search Link 

මෙම වාර්තාවන්ට පාදකවු විවේක් රන්ජන් අග්නිහෝත්‍රිගේ ට්විටර් ගිණුම පරීක්ෂා කළෙමු. “ලොව බොහෝ ප්‍රශ්න වලට විසඳුම ඉන්දියාවේ තිබේ. නමුත් අපගේ ඉපැරණි ඉගැන්වීම්වලට  දැනුම් ක්‍රමයන්ට සමච්චල් ලක් කරනතාක්, අපට එයින් ප්‍රයෝජනයක් ගත නොහැකිය. කංසා විශ්මය ජනක පෑළෑටියකි. 80 දශකය තෙක් රජය විකුණුවේය. රජීව් ගාන්ධි සහ බටහිර ඖෂධ සමාගම් නිසා එයට නරක නාමයක එක්විය. කංසා භාවිතය නීතිගත කරන්න. යන අර්ථය ඇති ඉංග්‍රීසි බසින්වු ට්විටර් පණිවුඩය නිරීක්ෂණය විය”

Twitter LinkArchived Link

මෙම ට්විටර් පණිවුඩයේ සහ ෆේස්බුක් සටහනේවු සේයාරුව රූපවාහිණී නාලිකාවක  ප්‍රවෘත්ති ඉදිරිපත් කරන පැතිකඩක් (meme) ලෙස දක්වා තිබූණු බැවින්, එවැනි පැතිකඩ නිර්මාණය කළහැකි නිර්මාණ වෙබ් අඩවි පිළිබඳ ගූගල් සෙවීමක් කළෙමු. එවැනි නිර්මාණ  කරගත හැකි අඩවි රැසක් දක්නට ලැබුණි.

Link

අප එම වෙබ් අඩවියක් පරීක්ෂා කළෙමු. එහි පහත ඇති ප්‍රවෘත්ති පැතිකඩ ලබා ගැනීමට හැකිවු අතරතවදුරටත් කරුණු සෙවීමේදි අනාවරනය වුයේ en.dopl3r.com නමැති වෙබ් අඩවිය භාවිතා කර ට්විටර් පණිවුඩයේ සහ ෆේස්බුක් ගිණුමේවු සටහනේ සේයාරුවේ අන්තර්ගත පැතිකඩ ලබාගෙන ඇති බවය.

en.dopl3r.com නමැති වෙබ් අඩවිය භාවිතා කර ලබාගත් පැතිකඩ.

කොරෝනා වෛරස් ආසාදනයට නිශ්චිත ප්‍රතිකාරයක් සොයා ගෙන ඇද්දැයි ලෝක සෞඛ්‍ය සංවිධානයේ වෙබ් අඩවිය පරික්ෂා කළෙමු. අද වනතෙක් කොරෝනා වෛරස් ආසාදනයට ප්‍රතිජීවක ඖෂධයක් සොයා ගෙන නොමැති බව ඔවුන් අවධාරණය කර තිබුණි.

WHO Link

කොරෝනා වෛරස් ආසාදනයට නිශ්චිත ඖෂධයක් පිළිබඳව තහවුරු කර ගැනීම පිණිස අප සෞඛ්‍ය අමාත්‍යාංශයේ සෞඛ්‍ය ප්‍රවර්ධන කාර්යාංශය සමඟ දුරකථනයෙන් සම්බන්ධ වීමු. මේ වන තෙක් එවැනි නිශ්චිත ඖෂධයක් සොයා ගෙන නොමැති බව ඔවුන්ද තහවුරු කළේය.

අනතුරුව Google reverse image සෙවීමේදී නිරීක්ෂණය වූ කරුණු විමර්ශන වාර්තාව පරීක්ෂා කරනලදී. අප අධ්‍යනය කළ vishvasnews.com වෙබ් අඩවියේ විමර්ශනයෙන් ඇතුළු විමර්ශන රැසකින් ද අනාවරණය වී තිබුණේ කොරෝනා වෛරස් ආසාදනයට මේ වන විට නිශ්චිත ඖෂධයක් නොමැති බව සහ කංසා භාවිතය එම රෝගයට ප්‍රතිකාරයක් නොවන බවයි.

ගංජා අවට ඇති පෆ්-ඇන්ඩ්-පාස් (puff-and-pass)  චාරිත්‍රය ලොවපුරා භාවිතා කරනන් අතර ප්‍රකට ක්‍රමයකි. මෙය COVID-19 ඇතුළු ඕනෑම වෛරසයක් පැතිරීමට උපකාරී වන බැවින් එවැනි ක්‍රමවලින් වැලකි සිටින ලෙසද වෙබ් අඩවි මඟින් පුවත් පළකර තිබෙනු දක්නට ලැබුණි.

Link

අවසාන නිගමනය

අපගේ කරුණු විමර්ශනයෙන් අනාවරණය වූයේ කොරෝනා වෛරස් ආසාදනයට මේ වන තෙක් නිශ්චිත ඖෂධයක් හෝ ප්‍රතිකාර ක්‍රමයක් සොයාගෙන නොමැති අතර කංසා භාවිතය මෙම රෝගයට ප්‍රතිකාරකයක් නොවන බවය.

එනිසා කංසා භාවිතයෙන් කොරෝනා වෛරස් ආසාදනය සුව කළ හැකි බවට පළවන සියළුම උපහාසාත්මක ෆේස්බුක් මාධ්‍ය ජාල සටහන් සම්පූර්ණයෙන්ම අසත්‍යය සහ සාවද්‍ය සටහන් බවට නිගමනය කරමු.

Avatar

Title:කංසා භාවිතයෙන් කොරොනා වෛරසය මර්දනය කල හැකිද?

Fact Check By: Sahan Perera 

Result: False


Leave a Reply