දිනපතා සත්ය කරුණු දැන ගැනීමට අපගේ WhatsApp චැනලයට මෙතනින් එකතුවන්න.
මේ දිනවල සුලබව අසන්නට ලැබෙන දෙයන් වන්නේ, එක් එක් රජයේ ආයතන වල හෝ රජයට අනුබද්ධිය ආයතන වල හැකර්ස්ලා විසින් මුදල් වංචා කිරීම් සිදු කිරීමයි. මේ අතර මහජන බැංකුවේ පද්ධතියට හැකර්ස්ලා ඇතුළු වී මුදල් වංචාවක් කළ බවට දක්වමින් සමාජ මාධ්ය ඔස්සේ පළ වූ සටහනක් පිළිබඳ අප සිදු කළ කරුණු පරීක්ෂාවක් පහතින්.
සමාජ මාධ්ය සටහන් (Social Media Posts) :
මහජන බැංකුවේ පරිගණක පද්ධතියට හැකර්වරුන් ඇතුළු වීම හේතුවෙන් කෝටි 65ට වැඩි මුදල් ප්රමාණයක් ගෙවා ඇති බවට දක්වමින් සමාජ මාධ්ය ඔස්සේ සටහනක් සංසරණය වුණා.
මෙම සටහනේ නිරවද්යතාව පිළිබඳ පරීක්ෂා කිරීමට අප පියවර ගනු ලැබුවා.
Fact-Check (කරුණු විමර්ශනය කිරීම) :
ශ්රී ලංකා මහජන බැංකු පද්ධතියට හැකර්ස්ලා ඇතුළු වීම හේතුවෙන් මෙලෙසින් මුදල් වංචාවක් සිදු වී ඇත් ද, යන්න අප ප්රථමයෙන් ප්රධාන මාධ්ය ධාරා වාර්තා හරහා පරීක්ෂා කරනු ලැබුවා. නමුත් එවැනි පුවතක් වාර්තා වී ඇති බවට දැක ගන්නට නොලැබේ. ඔවුන්ගේ නිල සමාජ මාධ්ය ගිණුම් හරහා ද, මේ පිළිබඳව වාර්තා කර ඇත් ද, යන්න පරීක්ෂා කළ ත්, මහජන බැංකුවේ පද්ධතියට හැකර්ස්ලා ඇතුළු වී මුදල් වංචාවක් කර ඇති බවට සඳහනක් දැක ගන්නට නොලැබුණි.
නමුත් මෙවැනි සටහන් නිර්මාණය වීමට හේතුව පරීක්ෂා කිරීමේදී, විදේශ මුදල් හුවමාරු ප්රේෂණ පද්ධතියක ඇතිවූ තාක්ෂණික දෝෂණයක් හේතුවෙන් ගනුදෙනුකරුවන් පිරිසකට රුපියල් මිලියන 656 ක නියමිත ප්රමාණයට වඩා ඉහළ මුදලක් ගෙවීමේ සිදුවීමක් පිළිබඳ මාධ්ය නිවේදනයක් පළ කර තිබුණි.
2023 මැයි මස සිට 2026 මාර්තු මස දක්වා වූ කාලය ඇතුළත එක් මුදල් ඒකකයකින් විනිමය අනුපාතිකය පරිවර්තනය වීමේදී සිදුවූ දෝෂයක් හේතු කොටගෙන මෙය සිදුව ඇති බව ත්, මෙම දෝෂය මෑතකදි හඳුනාගත් බව ත්, මෙහිදී පැහැදිලිව සඳහන් කර ඇති අතර , මෙය හැකර්ස්ලා මහජන බැංකුවේ පද්ධතියට ප්රවිශ්ඨ වීම නිසා වූ සිදුවීමක් බව එහි සඳහන් නොවේ.
මේ නිසා සිදුවූ රුපියල් මිලියන 656 ක ඇස්තමේන්තුගත මූල්යමය බලපෑම එය දැනටමත් බැංකුව විසින් එම අදාළ කාලසීමාව තුළ ප්රකාශයට පත් කර ඇති ගිණුම් ප්රකාශනවලට ඇතුළත් වී ඇත බව ත්, වත්මන් ගණන් බැලීම්වලට අනුව තවදුරටත් මින් කිසිදු මූල්යමය බලපෑමක් අපේක්ෂා නොකරන අතර මේ හා සම්බන්ධ ගනුදෙනු වලට අදාළ ගනුදෙනුකරුවන්ගෙන් නැවත අයකර ගැනීමේ ක්රියාවලිය මේ වන විට ආරම්භ කර ඇති අතර, එය සාර්ථකව සිදු කෙරෙමින් පවතින බවයි ඔවුන් එහි වැඩිදුරටක් අදහස් දක්වා තිබුණේ.
මෙමගින් මහජන බැංකුවේ එදිනෙදා බැංකු කටයුතු, ඩිපිටල් බැංකු පහසුකම් සහ ගනුදෙනුකාර සේවාව සාමාන්ය පරිදි ක්රියාත්මක වන බව සියලුම ගනුදෙනුකරුවන්හට සහ පාර්ශ්වකරුවන්ට ඔවුන් වැඩිදුරටත් දැනුම් දී තිබුණා.
මහජන බැංකුවේ ප්රධාන ශාඛාව
අප මේ පිළිබඳව තවදුරටත් තහවුරු කර ගැනීම සඳහා මහජන බැංකුවේ ප්රධාන ශාඛාවේ, කළමණාකරණ අංශයෙන් විමසීමක් කළ අතර, ඔවුන් සඳහන් කළේ ද, මෙම මුදල් මහජන බැංකු පද්ධතියට ඇතුළු අනිශ්ෂ ප්රවේශයක් හේතුකොට ගෙන නොව, විදේශ මුදල් හුවමාරු ප්රේෂණ පද්ධතියක ඇතිවූ තාක්ෂණික දෝෂණයක් හේතුවෙන් වූ සිදුවීමක් බවයි.
අපගේ කරුණු විමර්ශන පිළිබඳ තොරතුරු දැන ගැනීමට එක්වන්න
Facebook | Twitter | Instagram | Google News | TikTok | Youtube
Conclusion (අවසාන නිගමනය) :
අපගේ විමර්ශනයෙන් පෙන්වා දෙන්නේ, සමාජ මාධ්ය ඔස්සේ සංසරණය වන මහජන බැංකුවේ පරිගණක පද්ධතියට හැකර්වරුන් ඇතුළු වීම හේතුවෙන් කෝටි 65ට වැඩි මුදල් ප්රමාණයක් ගෙවා ඇති බවට පළ වන සටහන් අසත්ය බවයි. මහජන බැංකුවේ, විදේශ මුදල් හුවමාරු ප්රේෂණ පද්ධතියක ඇතිවූ තාක්ෂණික දෝෂණයක් හේතුවෙන් ගනුදෙනුකරුවන් පිරිසකට රුපියල් මිලියන 656 ක නියමිත ප්රමාණයට වඩා ඉහළ මුදලක් ගෙවීමේ සිදුවීමක් ගෙවා ඇති බව මහජන බැංකුව සඳහන් කරයි. නමුත් එය හැකර්වරුන් විසින් මහජන බැංකුවේ පද්ධතියට ඇතුල් වී මුදල් වංචාවක් කිරීමක් නොවන බව තහවුරු කරයි.
