අමාත්‍ය වසන්ත සමරසිංහගේ වත්කම් ප්‍රකාශනයේ බිට්කොයින් 2000ක හිමිකාරිත්වයක් තියෙනවද?

දිනපතා සත්‍ය කරුණු දැන ගැනීමට අපගේ WhatsApp චැනලයට මෙතනින් එකතුවන්න.

දූෂණ විරෝධී පනත යටතේ ජනාධිපති, අගමැති, සහ කැබිනට් අමාත්‍යවරුන් මෙන් ම නියෝජ්‍ය අමාත්‍යවරුන් මෙන් ම රජයේ ප්‍රධාන තනතුරු දරන්නන් අල්ලස් හෝ දුෂණ විමර්ශන කොමිෂන් සභාවට වාර්ෂිකව සිය වත්කම් පිළිබඳ ප්‍රකාශනයක් ඉදිරිපත් කළ යුතු වනවා. මෙහිදී වැඩි වශයෙන් කතා බහ වූයේ වත්මන් ආණ්ඩුවේ වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහගේ වත්කම් බැරකම් ප්‍රකාශය පිළිබඳවයි. මොහුගේ වත්කම් සම්බන්ධයෙන් සමාජයේ අවධානය යොමු වූ අතර ඔහු සතුව ඇති ඩිජටල් මුදල් පිළිබඳව ද, කතා බහක් ඇති වී තිබූ අතර ඒ පිළිබඳව අප සිදු කළ කරුණු පරීක්ෂාවක් පහතින්.

සමාජ මාධ්‍ය සටහන් (Social Media Posts) :

අමාත්‍ය වසන්ත සමරසිංහ මහතාට බිට්කොයින් 2,000 ක හිමිකාරිත්වය ඇති බව ත්, බිට්කොයින් 1 ක මෙරට මුදල් වටිනාකම කෝටි තුනාමාරක් වන බව ත්, ගෝලීය වෙළඳපොලේ බිට්කොයින් වල ඉහළ වටිනාකම සැලකිල්ලට ගෙන, එවැනි හිමිකාරිත්වයක් ඇති අමාත්‍යවරයා දැවැන්ත ධනයක් උපයා ඇති බව ඔහු පවසයි. එමෙන් ම ඔහු සතුව බිට්කොයින් 10ක් ඇති බව ත්, එය ලබා ගැනීම සඳහා තමාගේ මුර පදය අමතක වී ඇති බැවින් ඒ සඳහා සහය දක්වන අයෙකුට මුදල් ද, ලබා දෙන පවසමින් එම සමාජ මාධ්‍ය පරිශීලකයා විසින් වීඩියෝවක් ද, පළ කර තිබුණේ මේ අයුරින්.

Facebook

එමෙන් ම මෙම වීඩියෝව සඳහා ඇතැම් සමාජ මාධ්‍ය පරිශීලකයින් දක්වා තිබූ ප්‍රතිචාර වූයේ අමාත්‍යවරයා සතුව ඇත්තේ Bit coin නොව USDT බව ට දක්වා ඇති බවයි.

ඉහත වීඩියෝවේ සඳහන් කරුණු සත්‍යය ද, යන්න පිළිබඳ අප කරුණු පරීක්ෂා කරනු ලැබුවේ මෙලෙසින්.

Fact Check (කරුණු විමර්ශනය කිරීම) :

අප මේ ගැන පරීක්ෂා කිරීම සඳහා ප්‍රථමයෙන් ම දුෂණ විමර්ශන කොමිෂන් සභාවට අමාත්‍ය වසන්ත සමරසිංහ මහතාගේ නිල වත්කම් ප්‍රකාශය පරීක්ෂා කරනු ලැබුවා. මෙහිදී ඔහු සතුව ඇති ඩිජිටල් මුදල් ඩොලර් 3,000ක් ලෙස දක්වා ඇති බව දැක ගන්නට ලැබුණා.

මෙයින් අදහස් කරන්නේ අමාත්‍යවරයා සතුව අමෙරිකානු ඩොලර් 3,000 ක් වටිනා ඩිජිටල් මුදල් ඇති බවත්, එය විදේශීය සේවා සපයන්නෙකු සමඟ (ශ්‍රී ලංකාවෙන් පිටත ගුප්ත ව්‍යවහාර මුදල් හුවමාරුවක් හෝ මුදල් පසුම්බියක් වැනි) තබා ඇති බවත්ය. වැදගත් දෙය නම්, මෙය බිට්කොයින් හෝ වෙනත් විශේෂිත ගුප්ත ව්‍යවහාර මුදල් බව ලේඛනයේ සඳහන් වී නොමැති බවයි. අමාත්‍යවරයාගේ අනෙකුත් වත්කම් සමගින් දූෂණ විරෝධි කොමිසමේ වෙබ් අඩවියේ පළ වී ඇති සම්පූර්ණ වත්කම් බැරකම් ලේඛනය මෙතනින්.

මේ පිළිබඳ අවබෝධය ලබා ගැනීම සඳහා අප බිට්කොයින් සහ ටෙදර් හි යනු මොනවාද යන්න පිළිබඳ විමසා බලමු.

බිට්කොයින් (BTC)

බිට්කොයින් (BTC) යනු ලොව ප්‍රථම ගුප්ත ව්‍යවහාර මුදල් වන අතර එහි මිල ඉතා අස්ථාවරවේ. වර්තමානයේ, තනි බිට්කොයින් එකක් ඇමරිකානු ඩොලර් දස දහස් ගණනක වටිනාකමක් ලැබේ. යමෙකුට බිට්කොයින් 2,000 ක් හිමි වී ඇත්නම්, එය ශ්‍රී ලංකා රුපියල් බිලියන ගණනක් වනු ඇත. බිට්කොයින් බොහෝ විට “ඩිජිටල් රන්” ලෙස හඳුන්වනු ලබන්නේ බොහෝ අය එය ආයෝජනයක් ලෙස මිලදී ගෙන තබා ගන්නා නිසා, කාලයත් සමඟ එහි වටිනාකම ඉහළ යනු ඇතැයි අපේක්ෂා කරන බැවිනි. සැපයුම, ඉල්ලුම සහ ගෝලීය ආර්ථික සාධක මත පදනම්ව එහි මිල වෙනස් වන අතර එය ඉතා අස්ථාවර වේ. සමහර ව්‍යාපාර ගෙවීම් සඳහා බිට්කොයින් පිළිගන්නා නමුත්, එය අද බොහෝ විට ආයෝජන වත්කමක් ලෙස භාවිතා කරයි. මේ සම්බන්ධයෙන් වැඩිදුර තොරතුරු මෙතනින්.

බිට්කොයින් එකක මිල මේ මොහොත වන විට ශ්‍රී ලංකා රුපියලට සාපේක්ෂව ආසන්න වශයෙන් රු. 34,522,540 කට වෙළඳාම් වේ.

ටෙදර් (USDT)

එමෙන් ම ටෙදර් (USDT) යනු එක්සත් ජනපද ඩොලරයට සම්බන්ධ කර ඇති ස්ථාවර කාසියකි. එහි වටිනාකම ස්ථාවරව පවතින අතර, USDT එකක් යනු අමෙරිකානු ඩොලර්(USD) 1 ක් වේ. මෙය අනෙකුත් ගුප්තකේතන මුදල් හා සසඳන විට එය ස්ථාවර සහ අඩු අවදානම් සහිත කරයි, ඒ එහි මිල එතරම් උච්චාවචනය නොවන බැවිනි. එබැවින්, ඇමරිකානු ඩොලර් 2,000 ක් බිලියන ගණනක් නොව ඇමරිකානු ඩොලර් 2,000 ක් (ශ්‍රී ලංකා රුපියල් 600,000 ක් පමණ) වේ.

USDT ගුප්තකේතන මුදල් වෙළඳාම සහ මුදල් මාරු කිරීම් වලදී බහුලව භාවිතා වේ. බිට්කොයින් වැනි කාසිවල ඉහළ පහළ යාම වළක්වා ගැනීමට අවශ්‍ය වූ විට වෙළඳුන් බොහෝ විට ඔවුන්ගේ වත්කම් ටෙදර් බවට පරිවර්තනය කරයි. එය මිනිසුන්ට බැංකු භාවිතා නොකර දේශසීමා හරහා ඉක්මනින් සහ ලාභදායී ලෙස මුදල් ගෙනයාමට ඉඩ සලසයි, ඒ සමඟම සාම්ප්‍රදායික මුදල් මෙන් වටිනාකම ස්ථාවරව තබා ගනී. මේ සම්බන්ධයෙන් වැඩිදුර තොරතුරු මෙතනින්.

කෙසේ වෙතත්, අමාත්‍යවරයාගේ වත්කම් ප්‍රකාශයෙන් සඳහන් වන්නේ බිට්කොයින් ප්‍රමාණය නොව අමෙරිකානු ඩොලර් ඇමරිකානු ඩොලර් 3,000ක වටිනාකමක් පමණි. මෙයින් පෙන්නුම් කරන්නේ කුමන ගුප්තකේතන මුදල් ඒකකයද (Bitcoin, USDT, Ethereum, ආදිය) යන්න නිශ්චිතව දක්වා නැත. එය මුළු වටිනාකම පෙන්වන්නේ එක්සත් ජනපද ඩොලර් වලින් පමණි. එබැවින්, ලේඛනයේ එය පැහැදිලිව නම් කර නොමැති බැවින්, එම වත්කම් ප්‍රකාශයේ Bitcoin හෝ නිශ්චිත කාසියක් හිමිකරගෙන ඇතැයි පැවසීම නොමග යන සුළු වේ.

මෙම ව්‍යාකූලත්වයට හේතු වී ඇති වන්නේ “ඩිජිටල් මුදල් ඩොලර් 3,000” “බිට්කොයින් 2,000” ක් ලෙස වැරදි ලෙස ඉහත සමාජ මාධ්‍ය වීඩියෝවේ නිරූපණය කිරීම නිසා වන අතර එය නොමඟ යවන සුළු ප්‍රකාශයක් බවට පෙන්වා දිය හැක.

අමාත්‍ය වසන්ත සමරසිංහ

අමාත්‍ය වසන්ත සමරසිංහ මහතාගෙන් ද, අප මේ පිළිබඳව විමසීමක් කළ අතර අමාත්‍යවරයා පෙන්වා දුන්නේ, තමන්ගේ ඩිජිටල් මුදල් ලෙස නිල වත්කම් ප්‍රකාශයේ දක්වා ඇත්තේ, USDT බවයි.